Arystanbek Muhamediuly ashtyq jariialaýdy toqtatý nieti baryn aitty, - dep habarlaidy Dalanews.kz.
Astananyń qylmystyq ister jónindegi mamandandyrylǵan aýdanaralyq sotynda 460 myń dollar kólemindegi paraǵa qatysty qylmystyq is qaralyp jatyr. orda.kz málimetinshe, bul somany Muhamediulynyń jazasyn jeńildetý jáne qamaýdan bosatý úshin eks-sheneýniktiń jubaiy advokatqa berdi degen aqparat bar.
"Arystanbek Muhamediuly osy is boiynsha para berýdi uiymdastyrýshy bolyp otyr jáne úkimder jiyntyǵy boiynsha burynǵy sheneýnik 25 jylǵa deiin bas bostandyǵynan aiyrylýy múmkin. Onyń áieli Ǵaliia Ysqaqova aqsha bergenin moiyndaǵan. Alaida ol muny Sybailas jemqorlyqqa qarsy vedomstvo qyzmetkerleriniń qysymymen jasaǵanyn málimdep otyr", - dep keltiredi basylym sot isi týraly derekti.
Astana qalasynyń mamandandyrylǵan aýdanaralyq tergeý sotynyń sýdiasy Seifýlla Tasymbetov ashtyq jariialaǵan Muhamediulynyń ótinishin qanaǵattandyryp, Antikor qyzmetkerleri tarapynan azaptaý jáne quqyqqa qarsy sharalar derekterin tekserý týraly qaýly shyǵardy.
Al ótinishin qanaǵattandyratyn qaýly jariialanǵannan keiin Muhamediuly sýdiaǵa alǵysyn bildirip, jaǵdaiy nasharlaǵandyqtan ashtyq jariialaýdy toqtatý nieti baryn málimdep, otyrysty toqtatýdy surady. Kelesi otyrys sottalýshylardan jaýap alýmen jalǵaspaq.
Segiz jylǵa bas bostandyǵynan aiyrylǵan eks-sheneýnik Arystanbek Muhamediuly ár sot otyrysynda nebir shoý jasaýdan jalyqpaidy. Osyndai otyrystardyń birinde ol "ashtyq jariialaimyn" dep ses kórsetken edi.
"Meniń quqyma shek keltirse, resmi túrde ashtyq jariialaimyn. Olar ne qalasa, ony qalasyn!" - dedi Arystanbek Muhamediuly.
