Shymkenttikter HQO-dan júrgizýshi kýáligin "deldalsyz" alýdy úirendi
Shymkent qalasynda júrgizýshi kýáligi men avtokólikterdi deldalsyz tirkeýge nasihattaityn is-shara ótti.
Azamattarǵa arnalǵan úkimet memlekettik korporatsiiasynyń mamandary, Qazaqstan Respýblikasynyń Memlekettik qyzmet isteri agenttiginiń ókilderi, Shymkent qalasynyń politsiia departamentiniń qyzmetkerleri «Eki ese tóleme» atty úgit-nasihat jumysyn júrgizdi.
Memlekettik qyzmetterdi «kómekshilersiz» qalai alýǵa bolatyndyǵy týraly bir myńnan astam kólik iesi aqparattandyryldy. Olarǵa «júrgizýshi kýálikterin berý» jáne «kólik quraldaryn tirkeý» memlekettik qyzmetterin onlain rejimde alý protsesi kórsetildi.
Memlekettik korporatsiia filialynyń direktory Danabek Isabekov atap ótkendei, azamattar mamandandyrylǵan HQO-ǵa barmai-aq, avtokólikti qaita rásimdep, júrgizýshi kýáligin aýystyra alady. Bul azamattardyń ýaqyty men shyǵyndaryn únemdeidi.
– Munda kún saiyn 500-ge jýyq júrgizýshi kýáligi berilip, 1500-den astam kólik quraly tirkeledi. Kóptegen memlekettik qyzmet elektrondyq formatqa kóshýde. Onlain tirkeý mamandandyrylǵan HQO-ǵa júginbei-aq, avtokólikti rásimdeýge jáne júrgizýshi kýáligin aýystyrýǵa múmkindik beredi. Bul azamattardyń ýaqytyn aitarlyqtai únemdeidi jáne kezek kútý qajettiligin joiady.
Danabek Isabekovtiń aitýynsha, mundai is-sharalar halyqtyń tsifrlyq saýattylyǵyn arttyrýǵa jáne deldaldarmen kúresýge kómektesedi.
Qazaqstan Respýblikasy Memlekettik qyzmet isteri agenttiginiń departament basshysy Áli Kómekbaevtyń aitýynsha, kompiýterdi paidalaný múmkindigi joq azamattar memlekettik qyzmetterdi qalada ornalasqan egov aimaqtarynda ala alady.
Mundai árbir qyzmet kórsetý sektory kerekti tehnikamen jabdyqtalyp, elektrondyq úkimet portaly men basqa da memlekettik resýrstardy paidalanýǵa múmkindik beredi. Shymkenttikter ózderine jaqyn núktelerdi 2GIS qosymshasy arqyly taba alady.
Anyqtama: 2020 jyly Shymkent qalasyndaǵy mamandandyrylǵan HQO qyzmetkerleri azamattarǵa 52 myńǵa jýyq júrgizýshi kýáligin berip, avtokólikterdi qaita tirkeý boiynsha 195 myńnan astam qyzmet kórsetti.
Jyl basynan beri 7 myńnan astam qyzmet alýshy júrgizýshi kýáligin elektrondy ótinish berý arqyly aýystyrdy. Sonymen qatar, kólikti qaita tirkeý boiynsha 10 myńǵa jýyq avtokólik iesi onlain qyzmetti paidalandy.
Esterińizge sala keteiik, Shymkent qalasynda 3 Mamandandyrylǵan Halyqqa qyzmet kórsetý ortalyǵy jumys isteidi.
