Aǵymdaǵy jyly maýsymda Shyǵys Qazaqstan oblysy ákimi Danıal Ahmetovtyń tapsyrmasymen eldegi eń birinshi «Altaı Atletıks» atty kásibı jeńil atletıkalyq klýb ashylǵan bolatyn. Búgin klýbtyń qorjynyna eki kúmis medal túsip te úlgerdi. Karolın Kıpkırýı Lúsernde ótken Spitzen Leichatletik Luzetn jarysynda 2 oryn alsa, Nora Djerýto Rabat elinde ótken Gaýhar lıgasy kezeńinde kúmis medalǵa ıe boldy.

«Altaı Atletıks» klýby basshylyǵynyń aıtýynsha, klýbtyń modeli áli de qalyptasý kezeńinde. «Altaı Atletıks» klýby 94 jyldyq tarıhy bar LC Zunch eýropalyq aldyńǵy qatarly klýbtyń úlgisi boıynsha jumys atqaryp, LC Zunch-pen kelisim-shartqa  da otyrǵan.

Aıta ketsek, Olımpıada chempıony Olga Rypakova da klýbka múshe bolyp kirgen. Buǵan qosa, elimizdegi jeńil atletıka sportyn damytý úshin klýbtyń alǵashqy jobalyq kezeńinde sheteldik sportshylar shaqyryldy.

Sondaı sportshylardyń biri, Kenıa týmasy Karolın Kıpkırýı klýbtyń músheliginde bolyp, Lúsernde bolǵan Spitzen Leichatletik Luzetn jarysynda 3000 metrlik tártip boıynsha baǵyn synap, 8:53:36 kórsetkishimen İİ oryn ıelenip keldi. Atalmysh saıys álemniń eń úzdik 25 startyna kiredi.

Buǵan qosa, Nora Djerýto Rabat elindegi Gaýhar lıgasy kezeńinde «stıplcheıs» tártibinde 9.20.51 kórsetkishimen kúmis alǵan bolatyn. Osylaısha, ol tamyz aıynyń 24-shi juldyzynda Súrıhte bolatyn Lıga fınalyna ótti. Týrnır kestesiniń 4-shi pozısıasyna Olga Rypakova ornyqty. Kezekti Gaýhar lıgasy 21-shi maýsymda Monako elinde ótkizilmek. Oǵan Olga Rypakova men Karolın Kıpkırýı qatysady.