Keshe Kýrchatov qalasynda «Nurly Jol» baǵdarlamasynyń aıasynda salynǵan 600 oryndyq mektep ǵımaraty ashyldy. Jańa bilim ordasynyń berilýimen, qalada úsh aýysymmen oqý máselesi sheshimin tapty.
Kýrchatov qalasynda jańa mektep salý úshin «Nurly Jol» baǵdarlamasynyń aıasynda 867 mln. teńge qarajat bólingen bolatyn. Jańa jyldyń alǵashqy kúnderinde ǵımarattyń qurylysy tolyǵymen aıaqtalyp, bilim ordasy óz esigin aıqara ashty.
Jańa mektepte oqý úrdisin yńǵaıly etý úshin barlyq múmkindikter jasalǵan. Synyptar kompúterlik tehnıkamen, ınteraktıvti taqtalarmen, kórnekti ádistemelik quraldarymen jabdyqtalǵan. Sonymen qatar mekteptiń aýmaǵy dene shynyqtyrý-sport jáne ártúrli jastaǵy oqýshylarǵa arnalǵan qımyl-qozǵalys oıyndar alańdary bar demalys aımaqtaryna bólingen.
Eń bastysy – jańa bilim ordasynyń qoldanysqa berilýimen qalada úsh aýysymmen oqý máselesi birjola sheshimin taýyp otyr
