Aqyl-oıy kem balalarǵa arnalǵan arnaıy túzetý mektep-ınternatynda Astana qalasynyń alty medısınalyq jáne bilim berý mekemesine qajetti jabdyq úshin sertıfıkattardy tapsyrý rásimi ótti.
"Shevron" kompanıasy "AIaLA" qaıyrylymdylyq qorynyń qoldaýymen aýqymdy jobanyń demeýshisi boldy. №3 Perınataldyq ortalyqtyq medısına qyzmetkerleri kompanıadan eki fototerapıa apparatyn jáne V40 eki medısınalyq sorǵyshty syıǵa aldy. №1 qalalyq balalar aýrýhanasynyń dárigerlerine elektroensefalograf tirkeýshi qurylǵysyn, sondaı-aq kompúter jáne onyń quramdas bólikterin tapsyrdy.
№2 Aqmola oblystyq aýrýhanasyna ókpeni jasandy jeldetý apparatyn berdi.
Sonymen birge aqyl-oıy kem balalarǵa arnalǵan Arnaıy túzetý mektep-ınternatynyń tigin sheberhanasyna tigin mashınalaryn qosa alǵanda, jańa jabdyq satyp alyndy. "DOS" Táýelsiz ómir" múmkindigi shekteýli adamdardyń qoǵamdyq birlestigine "Shevron" kompanıasy kompúter jáne quramdas bólikterdi tapsyrdy.
"Shevron" kompanıasynyń jáne "AIaLA" qaıyrymdylyq qorynyń birlesken jobasynyń jalpy quny 2017 jyly 28 571 463 teńge boldy.
Syıǵa tapsyrylǵan medısınalyq jabdyq qarqyndy terapıa bólimshelerinde balalarǵa kómek kórsetý deńgeıin aıtarlyqtaı arttyrady, dárigerlerdiń jáne orta medısına qyzmetkerleriniń eńbegin jeńildetedi. Buryn mundaı jabdyq bolmaǵan kezde dárigerler dári-dármektiń qajetti dozasyn salý, ókpeni jeldetý, kúni jetpeı týǵan sábıdi jylytý úshin balalardyń qasynda saǵattap otyrýǵa májbúr bolatyn. Endi bul kómek joǵary tehnologıalyq turǵydan jáne bilikti túrde kórsetiledi.
№1 qalalyq balalar aýrýhanasy uzaq ýaqyt boıy jemisti yntymaqtastyq úshin úlken alǵysyn bildirdi.
"Biz "Shevron" kompanıasy jáne "AIaLA" qaıyrymdylyq qory tapsyrǵan jabdyqqa (shprıs dozatorlary) alǵys aıtamyz, bul jabdyq aýyr halde jatqan balalarǵa dári-dármekti durys ári dál dozalap salý úshin qajet. Ádette aýrýhanada 200-den astam bala bolady. Olar dárilerin óz betinshe qabyldaı almaıdy jáne ınfýzıalyq terapıaǵa muhtaj. Bul kómek joǵary tehnologıalyq emdeý kezinde asa mańyzdy", – dedi Astana q. №1 qalalyq balalar aýrýhanasynyń bas dárigeri Larısa Pavloves.
"Perzenthanalardyń, oblystyq aýrýhanalardyń jáne ortalyq aýdandyń aýrýhanalardyń jan saqtaý bólimshelerinde balalardyń ómirin qutqarýǵa kómektesetin jobalar bizdiń qor jumysy basymdyqtarynyń biri. Bala ómiri barlyq týys-týǵandary – anasy, ákesi, ájesi, atasy, aǵasy men apasy úshin asa qymbat. Internattyń tárbıelenýshilerine jáne "DOS" qoǵamdyq birlestigine kómek kórsetý – "Shevron" kompanıasynyń jáne "AIaLA" qoǵamdyq qory qyzmetkerleriniń óz isine óte muqıat ári jete qaraýynyń kórsetkishi", – "AIaLA" qaıyrymdylyq qorynyń prezıdenti Aıdan Súleımenova.
