Shetelde turatyn jas qazaqtar 2021 jylǵy 11-14 qazan aralyǵynda ótken Jetisýdiń kıeli jerlerine «Kıeli Qazaqstan» atty ekskýrsıaǵa qatysty, – dep habarlaıdy Dalanews.kz.

Sharany QR Aqparat jáne qoǵamdyq damý mınıstrliginiń qoldaýymen «Otandastar qory» men «Jas qazaq» jastar uıymy birlesip uıymdastyrǵan.

İs-sharaǵa shetelden kelgen qazaq qoǵamdyq uıymdarynyń jas basshylary, Túrkıa, Iran, Reseı, Mońǵolıa, Ózbekstan, Qytaı jáne Japonıada turatyn, sport jáne óner salasynda jetistikke jetken jýrnalıser, blogerler men otandastar qatysty.

Ekskýrsıa barysynda dóńgelek ústel uıymdastyryldy. Onda qatysýshylar «Qazaqstannyń kıeli geografıasy» kópfýnksıonaldy kartasymen, Qazaqstan tarıhymen, sondaı-aq qazaq tilin oqytý ádistemelerimen, Qazaqstandaǵy bilim berý granttarymen jáne shetelden kelgen jastarǵa arnalǵan basqa da múmkindiktermen tanysty.



Birinshi kúni qatysýshylar Raıymbek batyrdyń kesenesi men Almaty qalasynyń Respýblıka alańyna bardy. Ekinshi jáne úshinshi kúnderi qatysýshylar Esik qalasyndaǵy «Altyn Adam» murajaıyna, Sharyn memlekettik ulttyq tabıǵı parkine, Almaty oblysyndaǵy Qaıyńdy jáne Kólsaı kólderine bardy.

Aıta keteıik, mundaı ekskýrsıalar sheteldegi qazaq jastary úshin jyl saıyn ótkiziledi.