Májilis depýtaty Murat Ábenov jeke menshik mektepterge qatysty batyl málimdeme jasady, dep habarlaidy Dalanews.kz.
Depýtattyń sózinshe, jekemenshik mektepterdiń 57%-y zaman talabyna sai emes.
"Muny Joǵarǵy aýditorlyq palatanyń tekserisi dáleldedi. Qolymyzda anyqtama bar. Ǵimarattardyń sapasy sáikes kelmeidi, arnaiy salynbaǵan, sanitarlyq talaptar, balalar otyratyn bólmede taza aýa (ventiliatsiia), temperatýralyq normalar, kún sáýlesiniń túsýi, órt qaýipsizdigi saqtalmaǵan. Oqý standarttary boiynsha qural-jabdyqtar - laboratoriialar, arnaiy kabinetter, kompiýterlik tehnologiialar jetispeidi. Muǵalimderdiń bilim dárejesi sáikes emes. Oqymaǵan balany oqydy dep esep bergen. Ókinishke qarai, sońǵy jyldary Oqý-aǵartý ministrligi janyndaǵy Qarjy ortalyǵy arqyly jeke mektepterdiń qarjysy tekserilmei tólengen. Artyq, zańsyz ketken qarjy qaitarylmaǵan. Mektep ielerine is qozǵamaǵan, milliardtaǵan urlanǵan aqshany áli qaitarmaǵan", - dedi depýtat.
Murat Ábenovtiń aitýynsha, jańadan kelgen ministr Juldyz Súleimenova qarjylyq tártip ornatýdy qolǵa alǵan.
"Ózi batyl jáne taza adam. Juldyz qaryndasymyz bilim salasynyń alaiaqtyqpen nanyn jep júrgen qylmystyq toptarynyń eshqandai úgit-nasihatyna kónbeidi, qorqytam degenderge bas imeidi.
Shantaj jasaýdy qoiyńdar. Muǵalimder arqyly aiqai-shý shyǵaryp, jasalmaǵan jumystar úshin aqshany májbúrlep tóletemiz, BAQ pen áleýmettik jeli arqyly jaýapty tulǵalardy qorqytamyz dep áreket jasaǵandar, otpen oinamańdar. Jańa ministrdiń tártip ornatamyn degen barlyq talabyn tolyq qoldaimyz. Óz tarapymnan búgin Bas prokýratýraǵa jáne Ulttyq qaýipsizdik komitetine arnaiy tekserý týraly talap joldaimyn", - dedi ol.
Depýtat bilim salasyn bizneske ainaldyrmaýǵa shaqyrdy.
"Kim zań buzsa, jaýap berýi kerek, eshqandai keshirim joq. Bilim salasy biznes emes, bul sala - balaǵa sapaly bilim men jaqsy tárbie berý. Qolyńnan kelmei me, ainalyspa. Aqsha saldym, mindetti túrde paida tabýym kerek degen ustanym qate", - dep túiindedi ol.
