Serbter Jetisýda innovatsiialyq qurylys tehnologiiasyn tanystyrdy
Delegatsiiany jyly shyraimen qarsy alǵan Lazzat Turlashov oblystyń áleýmettik-ekonomikalyq damýyndaǵy erekshelikterine, óńirdiń investitsiialyq tartymdylyǵyna toqtalyp ótti. L. Turlashov qazirgi kezde oblysta jalpy investitsiia kólemi 530,9 mlrd. teńge bolatyn 63 investitsiialyq joba júzege asyrylyp jatqanyn aityp, olarda 11 myńǵa jýyq jumys orny qurylatynyn da tilge tiek etti.
Munan soń kezdesýde serbiialyq tarap ókilderi sóz aldy. «Interer Iankovich» kompaniiasynyń bas direktory ári iesi Bojo Iankovich kompaniia jumysy týraly keńinen áńgimeledi. Al kompaniianyń kommertsiialyq direktory Zoran Ratsichtiń aitýynsha, modýldi júielerdi balabaqshalardyń, mektepter men aýrýhanalardyń, jataqhanalar men qonaq úilerdiń, kottedjder men basqa da nysandardyń qurylysyna paidalanýǵa bolady. Onyń basty ereksheligi – nysan qurylysyna jumsalatyn ýaqyt 50 % qysqaryp, esesine sapasy men qaýipsizdigi arta túsedi.
Kezdesý sońynda oblys ákiminiń birinshi orynbasary Lazzat Turlashov keńeitilgen tanystyrylym úshin rizashylyǵyn bildirip, osy aitylǵan aqparattar jete zertteý úshin qurylys salasyndaǵy arnaiy mamandarǵa jiberiletinin aitty. Sonymen qatar bul kezdesýdiń Almaty oblysy men Serbiia arasyndaǵy yntymaqtastyqty nyǵaityp, órisin keńeitýge yqpal etetinine senim bildirdi.
Atap ótsek, 30 jyldyq tájiribesi bar «Interer Iankovich» kompaniiasynyń Qazaqstan naryǵyna kelgenine 3 jyl bolǵan. Almaty qalasynda filialy jumys isteidi.
Almaty oblysy ákimdiginiń baspasó qyzmeti
https://dalanews.kz/31118
