Depýtat aýyldyq jerlerde turǵyn úi salynyp jatqan jer ýchaskeleriniń máselesi de sheshilmei turǵanyn aita ketti.
Senator Úkimet basshysyna joldaǵan saýalynda jeke turǵyn úi qurylysyna qatysty problemalardyń áli de bar ekenin aitty. Turǵyndarynyń sany 5 myńǵa jetpeitin eldi mekenderde jer ýchaskeleri aýyz sý jáne elektr jelilerimen qamtamasyz etilýi kerek. Biraq keibir aimaqtarda buǵan biýdjetten qarajat qarastyrylmaǵan. Bul azamattardyń jeke turǵyn úi qurylysy úshin jer ýchaskesin alýda quqyǵynyń buzylýyna alyp keledi.
Depýtat shekaralas eldi mekenderde turatyn 1,5 million aýyl turǵyny úshin aýyldyń áleýetin tolyqtai ashý problemasy strategiialyq mańyzǵa ie ekenine senimdi. Osyǵan bailanysty senator Olga Býlavkina Premer-Ministr Asqar Maminge mynadai saýal joldady:
- Qajetti materialdyq jáne áleýmettik ortany qurý, sondai-aq investorlar úshin aimaqtardyń tartymdylyǵyn arttyrý maqsatynda shekaralas oblystardy odan ári damytý boiynsha jaǵdaiǵa saraptamalyq taldaý júrgizildi me?
- Salyq salýda, grant bólýde jáne shekaralas oblystardy odan ári damytý úshin memlekettik qoldaýdyń basqa sharalarynda jeńildikter berý máseleleri qarastyryldy ma? Bul sharalar qashan júzege asyrylady?
- Osy aimaqtarda jumyspen qamtý jáne biznestiń jol kartalarynyń tiimsiz bolýynyń sebepteri qandai? Bul basqa qonys aýdarýshylar úshin shekaralas aimaqtardyń tartymdylyǵyn qamtamasyz etetin basqa áleýmettik faktorlarǵa qalai áser etedi?
- Aýyl turǵyndaryna baspana satyp alýǵa nemese salýdyń jeńil sharttary, qoldaý kórsetýdiń qosymsha tetikteri bar ma?
