Semeide áleýmettik dárihana ashyldy
Jańa nysannyń ashylýyna qatysqan Semei qalasynyń ákimi Ermak Sálimovtiń ózi de kópshilikpen birge kirip, ondaǵy dári-dármekter baǵasymen tanysty. Aita keterligi sol, áleýmettik dárihanadaǵy meditsinalyq preparattar men dári baǵasy qalanyń ózge dárihanalarymen salystyrǵanda 12-15 paiyzǵa tómen.
- Salaýatty ómir saltyn qalyptastyrý, halyq densaýlyǵyn ońaltý jaiyn Elbasymyz jyl saiynǵy Joldaýynda, Úkimettiń alqa májilisinde únemi nazar aýdaryp otyrady. Al qazirgidei daǵdarys jaǵdaiynda qala turǵyndaryn sapaly ári tómen baǵadaǵy dári-dármektermen qamtýdyń óte qajettigi de kún saiyn biline túsýde. Osy oraida, biznestiń áleýmettik jaýapkershiligi negizinde Tsemposelok kentinen áleýmettik dárihana ashýdy jón kórdim. Óitkeni, birinshi kezekte densaýlyǵy kúndelikti kútimge zárý zeinetkerler men qarapaiym eńbekkerler úshin bul aýadai qajet. Bul aýmaqta turatyn zeinetkerlerdiń az emestigin de únemi kórip júrmin. Bul bir jaǵynan qazirgi jaǵdaida semeilikter úshin úlken tartý bolyp otyr, - deidi Marat Serikjanuly.
Jańa dárihanada meditsinalyq taýar túrlerin saqtaýdyń barlyq sharttary eskerilgen. Dári-dármekterdi belgili ber temperatýrada saqtaityn arnaiy oryndar bar. Sondai-aq munda jaqpamailardan bastap fitoterapiia ónimderi jáne qabynýǵa qarsy qoldanylatyn dárilik zattar assortimenti, immýnitet joǵarylatatyn dárýmender men siroptardyń san túri bar.
Áleýmettik dárihanaǵa dári-dármek jetkizýmen «Amanat» JShS ainalysady. Bas keńsesi Qaraǵandy qalasynda ornalasqan firmanyń qalamyzdaǵy filialynyń basshysy Gúlsim Isabekovanyń aitýynsha, dárilik zattar Úndistan, Belarýs, Ýkraina syndy selderdegi farmatsevtikalyq óndiris oryndarynan tikelei jetkiziledi.
Jinalǵan qaýym dárihanannyń ashylý sátinde jan taǵy bir igilikti istiń kýási boldy. Kásipker Marat Qurmanbai balalardyń tserebraldy sal aýrýymen syrqattanatyn 16 jastaǵy Ádiletke múgedekter arbasyn tartý etti. Balasyn kóshede alyp júrýge, úide jaily jerde otyrǵyzýǵa únemi qinalyp júretin Gúlnar Serikbaeva úshin kásipkerdiń bul kómegi baǵa jetpeitin syilyq deýge bolady. Ana basyndaǵy qiyndyqty aiqyn túsingen azamatqa alǵysy sheksiz ekenin aitty.
Sátjan QASYMJANULY,
Semei qalasy.
