Almatynyń politsiia departamenti saýda ortalyǵynda "tórt áielimen" júrgen er adamǵa qatysty pikir bildirdi, dep habarlaidy Dalanews.kz.
Almaty qalasynyń Politsiia departamenti áleýmettik jelilerge júrgizilgen monitoring barysynda betteri tumshalanǵan birneshe áielmen birge qoǵamdyq orynda júrgen er adamnyń beinesi bar beinejazba anyqtalǵanyn habarlady.
Tekserý nátijesinde atalǵan roliktiń kommertsiialyq túsirilim aiasynda daiyndalǵan qoiylymdyq sipatta ekeni belgili boldy.
Sonymen qatar, jekelegen qatysýshylardyń áreketterinen Qazaqstan Respýblikasynyń qoldanystaǵy zańnamasyna sáikes, qoǵamdyq oryndarda tulǵany tanýǵa kedergi keltiretin kiim elementterin kiiýge qatysty ákimshilik quqyq buzýshylyq belgileri anyqtaldy.
Jinaqtalǵan materialdar qaralyp, kináli tulǵalar ákimshilik jaýapkershilikke tartylyp, olarǵa eskertý túrindegi jaza qoldanyldy. Sonymen qatar, olarmen profilaktikalyq jáne túsindirý jumystary júrgizildi.
Almaty qalasynyń politsiiasy qoǵamdyq oryndarda bolý maqsatyna qaramastan, zań talaptaryn saqtaý ár azamat úshin mindetti ekenin eske salady.
