Sátbaev qalalyq soty beibitshilik pen adamzat qaýipsizdigine qarsy aýyr qylmys jasaǵan, qarýly qaqtyǵysqa jáne shetel memleketiniń aýmaǵyndaǵy áskeri áreketterge jaldamalylyq belgilerinsiz qasaqana zańsyz qatysqan «G»-ǵa qatysty úkim shyǵardy, dep habarlaidy Dalanews.kz.
2022 jyldyń kúzi Jezqazǵan qalasynda júrgen sottalýshy «G», Qazaqstan Respýblikasynyń azamaty bola otyryp, buqaralyq aqparat quraldary men «Internet» áleýmettik jelisi arqyly sheteldegi qarýly qaqtyǵys pen áskeri áreketter týraly habardar bolyp, ideologiialyq maqsatty kózdep, ol óziniń qaitys bolǵan ákesi «G» (1931 jyly týǵan) Harkov qalasynyń týmasy bolǵandyqtan jáne shetel biligi orys ultynyń quqyqtaryn shektep jatyr dep sanap, «V» jekemenshik áskeri kompaniiasynyń (ári qarai – JÁK) quramynda qarýly qaqtyǵysqa qatysý ideiasyn júzege asyrýǵa sheshim qabyldaǵan.
Osy maqsatta «G» shetel memleketi aýmaǵyndaǵy qarýly qaqtyǵysqa zańsyz qatysý úshin JÁK ókilderimen bailanys ornatýdy bastaǵan.
2022 jyldyń qarasha aiynda qylmystyq nietin júzege asyra otyryp, «G» Jezqazǵan qalasynan Petropavl qalasyna poiyzben baryp, sol jerden taksimen Qazaqstan Respýblikasynyń shekarasyn kesip ótip, sheteldegi «Kýrgan» ótkizý pýnkti arqyly ótedi.
JÁK ókilderimen bailanysyp, Krasnodar ólkesindegi «Molkino» aýylyndaǵy oqý-jattyǵý lagerine baryp, onda JÁK ókilderimen kelisimshart jasap, sheteldegi qarsy qarýly qaqtyǵysqa qatysýǵa niet bildirgen.
Kelisimshartqa qol qoiý kezinde «G» ai saiynǵy eńbekaqysy 240 000 rýbl ekenin jáne qaza tapqan jaǵdaida dosy «S»-ǵa 5 000 000 rýbl kóleminde qarjylai ótemaqy tólenetinine kelisken.
Sol kúni ol JÁK-tiń artilleriialyq áskeri bóliminiń qarý-jaraq qoimasyna jaýapty bolyp taǵaiyndalyp, 2022 jyldyń 6 jeltoqsanynan bastap 2023 jyldyń 6 shildesine deiin ol shetel Qarýly kúshterine qarsy áskeri tapsyrmalardy oryndap, óz qylmystyq áreketterin jalǵastyrǵan.
2023 jyldyń 28 shildesinde «Vnýkovo – Astana» áýe reisimen Qazaqstan Respýblikasyna oralǵan.
Osylaisha, «G» Qazaqstan Respýblikasy Qylmystyq kodeksiniń 172-babynda qarastyrylǵan qylmysty jasap, iaǵni shetel memleketi aýmaǵyndaǵy qarýly qaqtyǵysqa Qazaqstan azamaty bola tura zańsyz qatysqan.
Sot otyrysynda sottalýshy óz kinásin tolyq moiyndady, sondai-aq, onyń kinási Ulytaý oblysynyń Sátbaev qalalyq UQK basqarmasynyń jedel qyzmetkeriniń raporttarymen, jeke tintý hattamalarymen, turǵylyqty jerin tintý hattamasymen, uialy telefonyn tekserý hattamasymen, ekinshi deńgeili bankterdegi qarjylyq tranzaktsiialar týraly derektermen jáne sotta zerttelgen basqa da dáleldermen dáleldendi.
Sot jaza taǵaiyndaý kezinde qylmystyń qoǵamdyq qaýiptilik dárejesin, aýyrlatatyn jáne jeńildetetin mán-jailardy eskerdi.
Sot úkimimen «G» Qazaqstan Respýblikasy Qylmystyq kodeksiniń 172-baby boiynsha kináli dep tanylyp, ortasha qaýipsizdik mekemesinde 4 jyl 6 ai merzimge bas bostandyǵynan aiyrý jazasy kesildi.
Úkim zańdy kúshine engen joq.
