Jahandaný kezeńinde básekege qabiletti jáne suranysqa ie mamandardy daiarlaý óte mańyzdy. Joǵary oqý oryndaryndaǵy bilim sapasyn álemdik deńgeige sai jetildirý qajettiligi zaman talaby.
Ál-Farabi atyndaǵy QazUÝ-da básekege qabiletti mamandar daiarlaýǵa, jańa bilim baǵdarlamalaryn júzege asyrýǵa múmkindikter mol.Ýniversitetimizdiń akademiialyq saiasatyna sáikes túlekterdi jumyspen qamtý máselesi ózekti.
Túlekterdi jumysqa ornalastyrý JOO jumysynyń tiimdiliginiń mańyzdy kórsetkishi bolyp tabylady. Ýniversitet túlekterdiń jumysqa sátti ornalasýyn bilim berý qyzmetiniń tiimdiliginiń negizgi kórsetkishi retinde qarastyrady.
Ýniversitet eńbek naryǵynyń suranysyna sáikes bilim berý baǵdarlamalarynyń mazmunyn jańartý maqsatynda jumys berýshilermen uzaq merzimdi kópjaqty yntymaqtastyqty qoldaidy; qyzmetkerlerdiń ishinen oqytýshy-praktiktardy sabaq ótkizýge tartady, sonyń ishinde syrtqy uiymdarynyń bazasynyń negizinde, sonymen qatar, básekege qabilettilik pen suranysty qamtamasyz etý maqsatynda, QazUÝ túlekteriniń qorytyndy attestatsiialaýyna qatysady.Jumyspen qamtýǵa járdemdesý úshin bilim alýshylary men túlekterin, jumys múmkindikteri men kásibi taǵylymdamalar týraly aqparattandyrý maqsatynda, ýniversitettegi túrli is-sharalarǵa jumys berýshilerdiń qatysýyn qamtamasyz etetin, mansap jáne kásibi damý Ortalyǵy jumys isteidi.
Ýniversitettiń bilim alýshylary men túlekteri ózderiniń túiindemelerin áleýetti jumyspen qamtamasyz etýshi uiymdarǵa jiberýge, sondai-aq «Jastar jáne mansap» korporativtik portaly arqyly jumys vakansiialarymen tanysýǵa múmkindikteri bar ekeni barshaǵa málim. Ýniversitet joǵary bilikti kadrlardy daiarlaýdyń úzdik otandyq tájiribesine súiene otyryp, memlekettik qyzmetke maman daiarlaýdyń quzyrettiligin qalyptastyrýǵa umtylyp keledi.
Ál-Farabi atyndaǵy Qazaq ulttyq ýniversitetiniń túlekteri Qazaqstandaǵy jáne dúnie júzindegi jumys berýshiler tarapynan joǵary suranysqa ie.
QazUÝ túlekterine qoljetimdi mansaptyq múmkindikter ýniversitettiń joǵary sapaly bilim berýge umtylysynyń kórinisi bolyp tabylady.
Sonymen qatar,bilim alýshylarǵa áleýetti jumys berýshilermen ózara árekettesýge jáne jumys oryndaryn qamtamasyz etýge baǵyt beretin mansap jármeńkeleri men jumysqa ornalasý boiynsha diskýssiialardy uiymdastyrady.Qara shańyraq túlekteri – ǵylym, biznes, saiasat jáne ónerdi qosa alǵanda, ártúrli salalardaǵy kóshbasshylar.
Olar ýniversitettiń ókilderi retinde qyzmet etýde. Zań fakýlteti ýniversitet bergen barlyq múmkindikterdi paidalana otyra, «Turaqty damý maqsattary» kontseptsiiasynyń 4-maqsaty «sapaly bilim» ekenin eskerip,sapaly maman daiyndaýda aianbai eńbek etýde.Kafedranyń professorlyq-oqytýshylyq quramynyń bergen bilimi-túlekterdiń kemel kelesheginiń kepili ispettes.
Abaideldinov T.M
ál-Farabi atyndaǵy QazUÝ-dyń zań fakýlteti azamattyq quqyq jáne azamattyq is júrgizý, eńbek quqyǵy kafedrasynyń oqytýshysy,z.ǵ.k
Erikqyzy Ánel
ál-Farabi atyndaǵy QazUÝ-dyń zań fakýlteti azamattyq quqyq jáne azamattyq is júrgizý, eńbek quqyǵy kafedrasynyń 2 kýrs magistranty
