Saǵyntaev Almatynyń kelisti kelbetin saqtai otyryp, jańartylyp jatqanyn aitty
– «Nedelka» sýburqaǵyn qosa alǵanda Abai atyndaǵy QUAOBT aldyndaǵy alańdy jańǵyrtý jumysy aiaqtalýǵa jaqyn. Mundaǵy basty mindet – tarihi sáýlet ansamblin saqtai otyryp, mańaidy qalpyna keltirý edi. Ol úshin shamdar, sýburqaq arkalary men «abajýr», ainalasyndaǵy plitalar qalpyna keltirildi. Barlyǵy sol kezde túsirilgen sýrettegidei. Kire-beristegi joiylǵan sýburqaq qalpyna keltirildi. Jańa kelbetke ie bolǵan keńistik qala turǵyndarynyń kóńilinen shyǵatynyna kúmánim joq. Sonaý 60-70 jyldardaǵy Almatynyń atmosferasyn eske túsiredi, – dep atap ótti Baqytjan Saǵyntaev.
Negizi 2005 jyly qalanǵan Tuńǵysh Prezident Qorynyń janyndaǵy skverdi qaita qurý jalǵasýda. Sodan beri munda jóndeý jumystary júrgizilmegen eken. 80 oryndyq, qoqys jáshigi jáne turǵyndardyń ótinishimen sanitarlyq-gigienalyq torap ornatylady.
Balalarǵa arnalǵan oiyn jáne sport alańyn qurý josparda bar. Syrtqy jaryq júiesin júrgizý úshin 4 shaqyrym kabel tóselip, 147 sham ornatylady. Avtomatty sýarý júiesi úshin 5 shaqyrym qubyr aýystyrylyp, sýarýǵa arnalǵan eki bóshke salynady.
– Qalamyzdaǵy jańa jaily oryn Á. Qasteev atyndaǵy Memlekettik óner murajaiynyń aldyndaǵy alań bolady. Onda jasyl qordy jańartý, jol jamylǵysy, oryndyqtar, jaryqtandyrý jumystary da aiaqtalýda, biz sýburqaqty qalpyna keltiremiz, – dep jazdy qala ákimi.
Sondai-aq, Úlken Almaty ózeni – ál-Farabi dańǵylyndaǵy kópir keńistigi ózgertiledi, onda kóshede tamaqtanatyn oryn men kóshe kinoteatry uiymdastyrylady. Ózende jasandy sarqyrama men kórý alańy ornatylǵan. Pandýstardyń arqasynda bul oryn múmkindigi shekteýli adamdar úshin qoljetimdi bolady.
Baqytjan Saǵyntaev №128 mekteptiń sporttyq infraqurylymyn modernizatsiialaý barysyn kórdi. Munda qazirgi zamanǵy ashyq sport alańdarynan ózge, jyl boiy qoljetimdi jabyq fýtbol alańdary salynýda.
Almaty ákimi jańa Holiday Inn Express qonaq úii men demalýshylar men týristerge jaily jaǵdai jasalǵan Aiýsai vizit ortalyǵynyń infraqurylymyn tekserdi.
