Armandar oryndalady! Almatylyq oqýshylar Ernur Erejep men Aslan Qabdýllov halyqaralyq «Robotek Grand Tournament» chempionatynda Qazaqstan-Britan Tehnikalyq Ýniversitetiniń Aqparattyq tehnologiialar jáne injeneriia mektebi grantyn jeńip aldy. Bul – árbir jas talapker oqýǵa túsýdi armandaityn bedeldi oqý orny. Al jarysqa Abai oblysy Úrjar aýdanynan kelgen Dmitrii Polejaev Almaty Energetika jáne bailanys ýniversitetiniń bolashaq stýdenti atandy.
Astanada halyqaralyq «Robotek Grand Tournament» chempionaty óz máresine jetti. Chempionattyń barlyq reglamentteri – avtorlyq jáne otandyq ziiatkerlik tehnologiialarǵa negizdelgen.
«Robotek Grand Tournament» týrnirin tanymal «Robotek» kompaniiasy «Daryn» respýblikalyq ǵylymi-praktikalyq ortalyǵy jáne «Astana Daryny» uiymynyń birlesýimen júzege asyrylyp keledi.
Bedeldi chempionat alańyna 17 aimaqtyń oblystyq týrnirleriniń jeńimpazdary shyqty. Jalpy alǵanda jarysta 9 ben 17 jas aralyǵyndaǵy birneshe jas toptaryndaǵy 350-den astam mektep oqýshysy jeti sanat boiynsha baq synasty.
Biyl qazaqstandyq týrnirge alǵash ret AQSh delegatsiiasy qatysty, sonymen qatar Astanaǵa Bolgariia, Ázirbaijan, Moldova, Ózbekstan, Qyrǵyzstan, Tájikstannyń úzdik komandalary (barlyǵy 25-ten astam sheteldik delegatsiia) ushyp keledi.
Chempionattyń basty júldesi – «El kýbogi» alǵash ret Astanada qaldy. «Eń úzdik aýyldyq komanda» ataǵyn Almaty oblysy Qarasai aýdanynan kelgen Áigerim Ábýhanova men Ersultan Qasym jeńip aldy. «Eń úzdik sheteldik komanda» kýbogi ekinshi ret Ózbekstannyń Shyrshyq qalasyna jol tartty. Al «Eń úzdik injenerlik sheshim» atalymy boiynsha Astanadan Erkejan Hýandag pen Azamat Adaiuly úzdik dep tanyldy.
«Robotek Grand Tournament» chempionaty aiasynda qazaqstandyq shańyraqtyń astynda álemniń eń úzdik robototehnikteri bas qosty. Astanada «Robotek»-tiń jańa seriktesterimen – Bolgariianyń Varna qalasyndaǵy «Robotiks» bilim berý ortalyǵy jáne Moldova astanasyndaǵy RobotX Academy ortalyǵymen yntymaqtastyq týraly memorandýmdarǵa qol qoiyldy.
«Robotek Grand Tournament» jarysy «Robotek»-tiń senimdi seriktesteri arqasynda júzege asty. Olar eldegi STEM-bilim berý men robototehnika salasynyń damýyna aýqymdy qoldaý kórsetip, jańa urpaqtyń injenerlik elitasyn qalyptastyrýǵa naqty eńbek etýde: qazaqstandyq ALLUR avtokólik kompaniiasy, Silkroad Innovation Hub, Arystan IT Group jáne Bazisnyi magazin.
