Oqiǵa 22 aqpan kúni oryn alǵan. Ol ótken jyly qańtar aiynda mektep qurylysyn aýktsion arqyly satýda jeńiske jetýi úshin bássaýdaǵa qatysýshydan 3 mln rýbl kóleminde para alǵan dep aiyptalyp otyr dep habarlady QazAqparat.
Óziniń eshqandai kinásiz ekenin aitqan Áýelhan Jázituly jedel-járdem qyzmetkerlerin shaqyrtýǵa májbúr boldy. Sebebi onyń densaýlyǵy syr bere bastaǵan.
Al osy oqiǵaǵa bailanysty Áýelhan Jatqanbaevtyń uly Meiirim Jatqanbaev bylai deidi:
«Assalaýmaǵalaikým, qandastar!!! Men Reseidiń Altai ólkesi Qosh Aǵash aýdanynyń turǵynymyn. Əkem — Jatqanbaev Əýelhan Jazituly — osy aýdannyń əkimi. Osynda turatyn 12 000 qazaǵyna búkil ómirin sarp etip, aiamai eńbek etti. Jergilikti halyqtyń qoldaýymen 4 mərte aýdan əkimine sailanyp, jumysyn adal atqardy. Eliniń úmitin aqtap, keleshekte óser urpaǵyna jol siltedi.
Bul adamǵa endi jala jaýyp, eshbir dəlelsiz qamap tastady. Densaýlyǵy onsyz da nashar, qan qysymy joǵary jəne júregi nashar. Jergilikti turǵyndar, el-jurty, aǵaiyny jinalyp alańǵa shyqsa, bostandyq pen ədilettilik surasa, politsiia bərin shetinen qýyp qamaimyz dep qorqytýda. Búkil halyq qaiǵyryp otyr.
Kelesi kezekte januiasyna qaýip tónip tur. Úlken qyzy — meniń apaiym ekeýimiz Qazaqstan azamatymyz, bizdi de qamaýǵa almaqshy. Alystaǵy qandastaryńyzǵa qol ushtaryńyzdy sozýyn suraimyz».
Áýelhan Jazituly osy óńirde alǵash ret Naýryz, búrkit toiyn jáne alǵash bolyp qazaq kúresinen Aziia chempionatyn ótkizgen. Keńes Odaǵy qulaǵannan keiin eń alǵash meshit saldyrǵan azamat. Qazir Áýelhan Jatqanbaev qamaýda.
