Resei men Túrkiia Prezidentteri Elbasymen kún tártibindegi ózekti máselelerdi talqylady
Resei men Túrkiia elderiniń basshylary Nursultan Nazarbaevty Qazaqstan Respýblikasy Táýelsizdiginiń 25 jyldyǵymen quttyqtap, halqymyzǵa baq-bereke tilep, odan ary ósip-órkendei berýimizge niettestik bildirdi.
V.Pýtinmen áńgimelesý barysynda Joǵary Eýraziialyq ekonomikalyq keńestiń aldaǵy otyrysyna jáne UQShU sammitin ótkizýge daiyndyq máseleleri talqylandy.
Túrkiia Prezidentimen sóilesý kezinde R.T.Erdoǵan Astanaǵa biylǵy 12 jeltoqsanǵa josparlanǵan is-saparynyń keiinge qaldyrylǵanyna ókinish bildirdi. Túrkiia kóshbasshysy aldaǵy ýaqytta bizdiń elge kelýge daiyn ekenin aitty.
Resei men Túrkiia Prezidentteri Elbasymen kún tártibindegi ózekti óńirlik jáne halyqaralyq máselelerdi talqylady. Resei men Túrkiia kóshbasshylary Siriiadaǵy qaqtyǵysýshy taraptar arasyndaǵy ahýaldy beibit retteýge arnalǵan kelissózderdi Astanada ótkizýge múddeli ekendikterin bildirdi. Nursultan Nazarbaev bul bastamany qoldap, Qazaqstan elordasynda mundai kelissózder júrgizý úshin qajetti jaǵdai jasaýǵa daiyn ekenin málimdedi.
Qazaqstan Prezidenti Siriiadaǵy qaqtyǵysty beibit retteýge baǵyttalǵan halyqaralyq deńgeidegi umtylystardy bizdiń eldiń áýelden qoldap kele jatqanyn atap ótti.
