Kóshi-qon qyzmeti qos azamattyǵy bar Abai oblysy Borodýliha aýdanynyń turǵynyn anyqtady, dep habarlaidy Dalanews.kz.
Oblystyq Politsiia departamenti málimetinshe, tamyzda quqyq qorǵaý organdary biyl maýsymda Resei Federatsiiasynyń azamattyǵyn alyp, Qazaqstan azamattyǵy kúshin joiǵanyn rásimdemegen 54 jastaǵy er adamdy anyqtady.
"Sot qaýlysy boiynsha, quqyq buzýshy QR ÁQBtK-niń 496-baby ekinshi bóligi boiynsha Qazaqstan Respýblikasynan shyǵarý túrindegi ákimshilik jaýapkershilikke tartyldy", - delingen vedomstvonyń baspasóz habarlamasynda.
Sonymen qatar tártip saqshylary tártip buzýshydan respýblika azamatynyń tólqujatyn alyp, Qazaqstan azamattyǵynan aiyrylǵanyn rásimdegeni naqtylanady.
Politseiler elimizde qos azamattyqqa jol berilmeitinin eske salyp, turǵyndardan kóshi-qon zańnamasyn saqtaýdy suraidy.
