Qyzylorda oblysynda qylmystyq is aiasynda memleket menshigine ótken eki it elektrondy aýktsion arqyly satyldy, dep habarlaidy dalanews.kz.
Saýda búgin tańerteń memlekettik múlik saýda alańynda ótti.
"Jalaǵash aýdandyq ekonomika jáne qarjy bólimi Laika men Baiqasqa esimdi eki tuqymsyz ittiń árqaisysyn 1 245 teńgege baǵalaǵan. Bastapqy quny bar bolǵany 2 490 teńge bolǵanymen, aýktsion qorytyndysynda janýarlar 7 470 teńgege satyldy", - deidi derekkóz.
Itterdiń memleket menshigine ótýine qylmystyq is sebep bolǵan. Jalaǵash aýdandyq soty olardy alaiaqtyqqa qatysty qylmystyq is boiynsha "qylmys quraly" dep tanyp, tárkileý týraly sheshim shyǵarǵan. Tergeý materialdaryna sáikes, is figýranty janýarlardy óz qaraýynda qolhat negizinde ustaǵan.
Sot sheshiminen keiin itter memleket menshigine ótip, keiin aýktsionǵa "jyljymaly múlik" retinde shyǵarylǵan.
