Quryltai sailaýy jaqyndaǵan saiyn aqparattyq keńistikte jalǵan málimetter men arandatýshylyq sipattaǵy materialdardyń taralýy kúsheiip otyr. Bul týraly JAQ.OrtCom málimdep, azamattardy tek resmi derekkózderge senýge shaqyrdy, dep habarlaidy dalanews.kz.
Ortalyqtyń málimetinshe, sońǵy ýaqytta sailaý protsesine qatysty feikter, manipýliatsiialyq aqparattar jáne dipfeik tehnologiialary arqyly jasalǵan materialdar áleýmettik jeliler men anonimdi platformalarda jii jariialanýda.
Mamandardyń aitýynsha, mundai aqparattyq shabýyldar belgili bir shema boiynsha júzege asyrylady. Aldymen arandatýshylyq sipattaǵy habarlama daiyndalyp, ol anonimdi resýrstarda jariialanady. Keiin bot-jeliler arqyly jappai taratylyp, qoǵamda keń talqylanyp jatqandai áser qalyptastyrylady.
«Birdei tezister men uqsas vizýaldyq materialdardyń túrli platformalarda bir ýaqytta jariialanýy olardyń uiymdasqan ári ortalyqtandyrylǵan sipatta ekenin kórsetedi», – delingen habarlamada.
JAQ.OrtCom deregine súiensek, mundai naýqandar kóbine sailaý protsesi, syrtqy saiasat jáne áleýmettik-ekonomikalyq máseleler tóńireginde órbidi. Keibir jaǵdailarda aqparattyq yqpal etý áreketteriniń shetelden úilestirilgen belgileri de baiqalǵan.
Sonymen qatar sońǵy kezeńde jasandy intellekt kómegimen daiyndalǵan jalǵan foto, aýdio jáne beinematerialdardyń sany artqan. Ásirese tanymal tulǵalar men memlekettik organdar ókilderiniń beinesin paidalanyp jasalǵan dipfeikter qoǵamdy jańylystyrý úshin qoldanylyp jatyr.
Ortalyqtyń málimetinshe, sailaý naýqany bastalǵaly áleýmettik jelilerde, saittarda jáne basqa da platformalarda 200-den astam anonimdi ári destrýktivti akkaýnt arqyly taralǵan shamamen 15 aqparattyq naýqan tirkelgen.
Olarǵa qarsy áreket retinde 44 túsindirý jáne aǵartýshylyq material ázirlenip, jariialanǵan. Onyń ishinde beinerolikter, nusqaýlyqtar, aqparattyq posterler men keń taralǵan mifterdi joqqa shyǵaratyn materialdar bar.
JAQ.OrtCom qazaqstandyqtardy emotsiiaǵa qurylǵan jáne arandatýshylyq sipattaǵy jariialanymdarǵa syn kózben qaraýǵa shaqyrdy.
«Aqparattyń birneshe arnada bir mezette taralýy onyń shynaiylyǵyn bildirmeidi. Kez kelgen málimettiń bastapqy derekkózin tekserip, resmi aqparatpen salystyrý qajet», – dep eskertti ortalyq.
Sondai-aq azamattarǵa rastalmaǵan aqparatty taratpaý, anonimdi resýrstar men bot-jelilerdiń yqpalyna ermeý jóninde úndeý jasaldy.
