Qazaqstan musylmandary dinı basqarmasynyń baspasóz qyzmeti bıyl Qurban aıttyń bastalý merzimin jarıalady, dep habarlaıdy Dalanews.kz.

Bıyl hıjra kúntizbesine sáıkes, Zúlhıjja aıy bastaldy. Jańa aıdyń týýyna baılanysty, bul aı 28 mamyrda kirdi. Osyǵan oraı Arafa kúni – 5 maýsymǵa, al qasıetti Qurban aıt merekesiniń birinshi kúni – 6 maýsymǵa sáıkes keledi.

Dinı basqarma málim etkendeı, Qurban aıt namazynan keıin úsh kún boıy qurban shalý – shamasy jetetin musylman úshin mindet.

“Qurban aıt – musylman qaýymy úshin qasıetti de, saýapty amaldarǵa toly ulyq meıram. Bul kúnderi Alla razylyǵy úshin qurban shalyp, bir-birine izgi tilek bildirý, muqtaj jandarǵa kómek qolyn sozý – úlken saýap”, – delingen habarlamada.