Májilis tóraǵasy Erlan Qoshanov depýtattardyń salyqtyq ózgeristerge qatysty barlyq aspektilerdi muqiiat qarastyrýy qajet ekenin aitty, dep habarlaidy Dalanews.kz.
“QQS pen áleýmettik salyqqa qatysty úkimettiń ustanymyn tyńdadyq. Bul másele boiynsha sarapshylar men parlament depýtattary da óz pikirlerin bildirip jatyr. Sondyqtan Nalog kodeksin taǵy bir ret muqiiat qarap, memlekettik organdarmen jáne biznes qaýymdastyǵymen birge usynylyp otyrǵan túzetýlerdi talqylaý qajet. Barlyq aspektilerge tereń úńilip, salyqtyq ortany jaqsartýǵa baǵyttalǵan teńgerimdi sheshim qabyldaý mańyzdy”, – dedi Qoshanov.
Sondai-aq, Májilis tóraǵasy atom elektr stantsiiasynyń (AES) qurylysy boiynsha depýtattardan naqty usynystar kútiletinin aitty. Osyǵan bailanysty Qoshanov halyq qalaýlylaryna bul máseleni tiisti komitetterdiń otyrystarynda jáne qoǵamdyq palatada sarapshylar men ǵalymdardyń qatysýymen talqylaýdy tapsyrdy.
Buǵan deiin premer-ministr Odjas Bektenov qosymsha qun salyǵy mólsherlemesin kóterý keregin málimdegen bolatyn.
Negizgi salyq júktemesi Eńbekaqy tóleý qoryna, iaǵni ózindik qunǵa túsedi. Taýar sórege kelip túskenge deiin kásipker salyqtyń kóp bóligin tólep tastaýǵa májbúr. Úkimet Eńbekaqy tóleý qoryna túsetin júktemeni ony satýǵa qarai aýdarý arqyly azaitýdy usynady. Ol úshin áleýmettik jeńildikter men jumys berýshilerdiń mindetti zeinetaqy tólemderin tómendete otyryp, QQS mólsherlemesin arttyrý qajet", - dedi premer-ministr.
Al vitse-premer-ulttyq ekonomika ministri Serik Jumanǵarin QQS shegin qazirgi 78 mln teńgeden 15 mln teńgege deiin tómendetýdi usyndy.
"Búgingi tańda elimizde 2,3 millionnan astam salyq tóleýshi tirkelgen bolsa, solardyń ishinen qosymsha qun salyǵyn (QQS) tóleitinder sany nebári 137 700 biznes sýbektisin qurap otyr. Bul – barlyq salyq tóleýshilerdiń 6 paiyzy ǵana. Al naqty QQS tóleitinder – 88 myń sýbekt, iaǵni jalpy salyq tóleýshilerdiń 4 paiyzyna teń. Munyń bir sebebi – QQS boiynsha esepke turý sheginiń joǵary bolýynda. Qazirgi kezde bul meje 78 million teńgeni quraidy", - dedi ol.
Onyń aitýynsha, Úkimet sol mejeni 15 million teńgege deiin tómendetýdi usynady.
