Meniń atym – Sept Marıa, ultym – nemis. Aǵylshyn tili muǵalimi bolyp jumys isteımin. Úsh tildi meńgere otyryp  bolashaqqa úlken qadam jasap jatyrmyn dep nyq senimmen aıta alamyn.  

Bul jańa bilim alýǵa, jaqsy jumys tabýǵa jáne álemdi tereńirek túsinýge kómektesedi. Bos ýaqytymda qazaq tilin úırenemin jáne «Sóıle» klýbyna qatysamyn. Til úırený – basqa halyqtardyń mádenıeti men dástúrin túsinýge jol ashady. Qorqýdyń qajeti joq, eń bastysy – tyrysyp kórý. Bálkim, sizdiń talpynysyńyzdy kórgen bireý de qazaq tilin úırenýge qyzyǵýshylyq tanytar.

Qazaq tili – óte baı ári ádemi til.

Nelikten til úırený mańyzdy?

Til – adamdardy biriktiretin kúsh. Birneshe tildi meńgerý arqyly biz jańa mádenıetterdi tanımyz, óz oıymyzdy erkin jetkize alamyz jáne álemdi keńirek túsinemiz.

Til bilý:

✅    Jańa múmkindikter ashady – basqa elderde bilim alý, saıahattaý, sheteldik dostar tabý jeńildeıdi.

✅    Kásibı jetistikke jetýge kómektesedi – jumysqa ornalasý jáne mansaptyq ósý úshin úlken artyqshylyq.

✅    Oılaý qabiletin damytady – jadyny jaqsartyp, shapshań sheshim qabyldaýǵa úıretedi.

✅    Ózińe degen senimdilikti arttyrady – kez kelgen ortada erkin sóılep, adamdarmen tez til tabysýǵa múmkindik beredi.

Men ózim jańa til úırengen saıyn, jańa álem ashqandaı bolamyn. Ár til – bul jańa mádenıet, jańa dostar, jańa múmkindik. Sondyqtan til úırenýden qoryqpańyz, eń bastysy – qyzyǵýshylyq pen turaqty tájirıbe!

Tilderdi birge úıreneıik!

Sept Marıa Aleksandrovna,
 №17 orta mekteptiń aǵylshyn tili pán muǵalimi