QR Qorǵanys ministrligi astanalyqtarǵa úndeý jasady. Elorda turǵyndaryna qala kóginde áskeri ushaqtar paida bolatyny eskertildi, dep habarlaidy Dalanews.kz Zakon.kz saityna silteme jasap.
Quzyrly vedomstvo 23 jáne 24 qarashada Astananyń ústinen QR Qarýly kúshteriniń áskeri atqysh ushaqtary ushyp ótetinin, olar kókte túrli-tústi boiaý qaldyratynyn naqtylaidy.
"Jaýyngerlerdiń ushýy qaýipsiz biiktikte ótedi jáne qala ómiriniń ádettegi tirshilik saltyn buzbaidy. Paidalanylǵan túrli-tústi tútinniń ekologiiaǵa ziiany joq", delingen habarlamada.
Atalǵan is-shara Qazaqstan Respýblikasy Áýe qorǵanysy kúshteriniń oqý-jattyǵý ushýlary sheńberinde ótkiziletini de atap kórsetilgen.
Aita ketsek,22 qarashada Úkimet basshysy Oljas Bektnov Ýkraina tóńiregindegi jaǵdaiǵa bailanysty qorǵanys, ishki ister, tótenshe jaǵdailar, syrtqy ister, densaýlyq saqtaý, kólik, energetika, ónerkásip jáne qurylys, ulttyq ekonomika, qarjy ministrlikteriniń basshylyǵymen memleket basshysynyń negizgi áskeri jáne azamattyq obektilerdiń qaýipsizdigin qamtamasyz etý jóninde shuǵyl sharalar qabyldaý týraly tapsyrmalaryn oryndaý jóninde jedel keńes ótkizdi. Sondi-aq ol Qorǵanys ministri Rýslan Jaqsylyqovtyń strategiialyq jáne infraqurylymdyq obektilerdi qorǵaýdy qamtamasyz etý boiynsha júrgizilip jatqan jumystar týraly málimetterin tyńdap, memlekettik organdardyń is-qimyldaryn kúsheitýge baǵyttalǵan birqatar tapsyrma berdi.
