HAPPY CLINIC balalar medısınasy ortalyǵynda búldirshinderge balalar stomatologıasy men pedıatrıasy boıynsha qyzmet kórsetý isimen aınalysatyn birden-bir ortalyq.
Ortalyqtyń jetekshisi bilikti maman Álıa Jıgıtaeva karantın kezinde ózderiniń qyzmetine júgingen ata-analardyń sany kóp bolǵanyn alǵa tartty. Aldaǵy ýaqytta da ortalyq mamandary ózderiniń qyzmetine júgingen búldirshinderge kómek kórsetýge ázir eken.
– Men birinshi kezekte kásipker bolǵandyqtan, karantın kezinde kúndelikti shyǵyndarymyzdy eseptep, jumysymyzdy júıeleýge týra keldi. Bizdiń ujymda kóptegen bilikti dárigerler jumys isteıdi. Sol sebepti olardyń aldyndaǵy moraldyq jaýapkershiligimdi karantın kezinde barynsha sezindim. Karantın kezinde qyzmetkerlerdiń 20 paıyzyn qysqartýǵa májbúr boldym. Ózgelerin ýaqytsha demalysqa jiberdik. Osylaısha, Tótenshe jaǵdaı kezinde shaǵyn quramda jumys istep, halyqqa sapaly medısınalyq qyzmet kórsetýdi jalǵastyrdyq, – dedi ortalyq jetekshisi Álıa Jıgıtaeva.
Klınıka karantın kezinde josparlaǵan biraz jobalaryn toqtata turýǵa májbúr boldy. Qazirgi tańda halyqtyń tutynýshylyq qabiletiniń tómendeýi medısına salasyna da ońaı soqpaýda.
Tótenshe jaǵdaı kezinde HAPPY CLINIC balalar medısınasy ortalyǵynyń basshylyǵy qyzmetkerlerin qajetti medısınalyq qorǵanys quraldarymen qamtamasyz etip, kópshilikke sapaly qyzmet kórsetýge aıryqsha mán bergenin aıta ketýimiz kerek. Munyń bári ońaı bolmaǵany belgili.
Budan basqa, dollardyń kóterilýi de syrttan keletin sapaly medısınalyq jabdyqtardyń qymbattaýyna áser etken. Osylaısha, elimizdegi jekemenshik medısınalyq emdeý mekemeleri osyndaı úlken qıyndyqpen betpe-bet kelgen.
Karantın kezinde HAPPY CLINIC ata-analarǵa onlaın keńester berý isin barynsha damytqanyn atap aıtýǵa bolady.
İndet jaılap, karantın kúsheıgen sátte de HAPPY CLINIC balalar medısınasy ortalyǵy mamandardyń biliktiligin kóterý maqsatynda bilikti sarapshylardyń leksıalaryn tikeleı efırde ujym bolyp tyńdap, kókeıde júrgen kóp saýaldyń sheshimin taýyp, suraq-jaýap arqyly bilýdi jalǵastyryp otyrǵan.
