Qoǵam karantinde dárigerlerdiń bir komandada jedel, yqsham jumys isteýin talap etti (fotorepertaj)
Álemdi jailaǵan koronavirýstyń pandemiiaǵa ainalýy halyqqa ońai timedi. Qazirgi tańda jurttyń bári osyǵan deiin qalyptasqan tirshilik daǵdysynan aiyrylyp, jańasha ómir súrýge májbúr. Birinshi kezekte pandemiianyń qiyndyqtaryn meditsina qyzmetkerleri sezinýde. Indet ýshyǵyp, karantindik sharalar kúsheigen kezde qoǵam dárigerlerdiń bir komandada jedel, yqsham jumys isteýin talap etýde. Osy rette Dalanews.kz aqparat agenttigi Ortalyq Aziianyń Eýraziia qory «Qolda» jobasy aiasynda HAPPY CLINIC balalar meditsinasy ortalyǵy pandemiia kezinde jumysyn qalai uiymdastyrǵany jaiynda fotoreportaj jasaǵan edi. Soǵan nazar aýdarsańyzdar.
HAPPY CLINIC balalar meditsinasy ortalyǵynda búldirshinderge balalar stomatologiiasy men pediatriiasy boiynsha qyzmet kórsetý isimen ainalysatyn birden-bir ortalyq.
Ortalyqtyń jetekshisi bilikti maman Áliia Jigitaeva karantin kezinde ózderiniń qyzmetine júgingen ata-analardyń sany kóp bolǵanyn alǵa tartty. Aldaǵy ýaqytta da ortalyq mamandary ózderiniń qyzmetine júgingen búldirshinderge kómek kórsetýge ázir eken.
– Men birinshi kezekte kásipker bolǵandyqtan, karantin kezinde kúndelikti shyǵyndarymyzdy eseptep, jumysymyzdy júieleýge týra keldi. Bizdiń ujymda kóptegen bilikti dárigerler jumys isteidi. Sol sebepti olardyń aldyndaǵy moraldyq jaýapkershiligimdi karantin kezinde barynsha sezindim. Karantin kezinde qyzmetkerlerdiń 20 paiyzyn qysqartýǵa májbúr boldym. Ózgelerin ýaqytsha demalysqa jiberdik. Osylaisha, Tótenshe jaǵdai kezinde shaǵyn quramda jumys istep, halyqqa sapaly meditsinalyq qyzmet kórsetýdi jalǵastyrdyq, – dedi ortalyq jetekshisi Áliia Jigitaeva.
Klinika karantin kezinde josparlaǵan biraz jobalaryn toqtata turýǵa májbúr boldy. Qazirgi tańda halyqtyń tutynýshylyq qabiletiniń tómendeýi meditsina salasyna da ońai soqpaýda.
Tótenshe jaǵdai kezinde HAPPY CLINIC balalar meditsinasy ortalyǵynyń basshylyǵy qyzmetkerlerin qajetti meditsinalyq qorǵanys quraldarymen qamtamasyz etip, kópshilikke sapaly qyzmet kórsetýge airyqsha mán bergenin aita ketýimiz kerek. Munyń bári ońai bolmaǵany belgili.
Budan basqa, dollardyń kóterilýi de syrttan keletin sapaly meditsinalyq jabdyqtardyń qymbattaýyna áser etken. Osylaisha, elimizdegi jekemenshik meditsinalyq emdeý mekemeleri osyndai úlken qiyndyqpen betpe-bet kelgen.
Karantin kezinde HAPPY CLINIC ata-analarǵa onlain keńester berý isin barynsha damytqanyn atap aitýǵa bolady.
Indet jailap, karantin kúsheigen sátte de HAPPY CLINIC balalar meditsinasy ortalyǵy mamandardyń biliktiligin kóterý maqsatynda bilikti sarapshylardyń lektsiialaryn tikelei efirde ujym bolyp tyńdap, kókeide júrgen kóp saýaldyń sheshimin taýyp, suraq-jaýap arqyly bilýdi jalǵastyryp otyrǵan.
