Birneshe jyl buryn Qyzylorda oblysynyń eks-ákimi Gúlshara Ábdiqalyqovaǵa "hannyń qyzy" degen turǵyn jaqyn kúnderi ustalǵan edi. Jalǵyzbasty ananyń balalary áleýmettik jelide Memleket basshysyna videoúndeý joldady, - dep habarlaidy Dalanews.kz.
Videoda balalardyń úlkeni anasyn bosatýdy suraidy.
"Qurmetti QR Prezidenti Qasym-Jomart Kemeluly Toqaev myrza, naýryz aiynyń 6-sy kúni saǵat keshki 19.00 shamasynda anashym Turlybekova Sandýǵashty politsiia qyzmetkerleri qolyn qaiyryp, úsh saǵat úide qinap, úidi tintip, eki sińilim men inimdi syrtqa jibergenine bailanysty videoúndeý joldaimyn.
Anamnyń qolyn qaiyryp, aýdandyq politsiia bólimshesine sebepsiz, eskertýsiz, túsindirmei, eshqandai túsiniktemiz, advokatty kútpei alyp ketken. Bolǵan oqiǵany estip, aýylǵa bardym. Dalada turǵan eki sińilim men inimdi, meni naǵashy aǵam alyp ketti. Sonda politsiia qyzmetkerlerin 18 jasqa tolmaǵan úsh baýyrymnyń jaǵdaiy alańdatpady ma? ...Meniń anamdy Turlybekova Sandýǵashty bosatýyńyzdy ótinip suraimyn", - deidi ol.
Al politsiia málimetinshe, azamattar belsendiniń ústinen shaǵym túsirgen.
"28 aqpan jáne 6 naýryz kúnderi Qyzylorda oblysynyń politsiia departamentine oblystyń eki turǵyny júgindi. Olar osy azamatshany qylmystyq jaýapkershilikke tartý jóninde aryzdanǵan. Turlybekova bopsalaý arqyly jáne ar-namys pen qadir-qasietke nuqsan keltiretin málimetterdi taratamyn dep qorqytyp, jábirlenýshilerden iri kólemde aqsha talap etken. Bul derek boiynsha qylmystyq is qozǵaldy. Turlybekova aýyr qylmys jasady degen kúdikke ilinip otyr. Budan bólek taǵy birneshe bopsalaý faktileri anyqtaldy.
Protseske qatysýshylardyń jaýabyn burmalaýǵa yqpal etip, tergeýdiń jan-jaqty júrgizilýine kedergi keltirýi múmkin. Osyǵan bailanysty tergeý soty ony kúzetpen ustaý sharasyn sanktsiialady. Ustaý zań sheńberinde júrgizildi. Arnaiy quraldar men jaýyngerlik ádister qoldanylǵan joq. Kúdikti ýaqytsha ustaý izoliatoryna qamaldy. Tergeý múddesi úshin ózge aqparat jariia etilmeidi", - dep jazdy Jańaqorǵan aýdandyq politsiia bólimi ókilderi.
Aita keteiik, birneshe kún buryn áleýmettik jelilerde belsendi ustalǵan sát kórinetin sýret tarap ketti. Jeli qoldanýshysynyń bul jazbasyna qalalyq Politsiia departamenti ókilderi pikir bildirdi.
"Bul derek boiynsha Qyzylorda oblysynyń Politsiia departamenti qylmystyq is qozǵap, tergep-tekserý áreketterin júrgizip jatyr. Ózge de aqparattar tergeý qupiialyǵyna bailanysty jariia etilmeidi", - dep jazylǵan jaýapta.
"Sandýǵash - bes balasy bar jalǵyz ilikti ana. Endi óz narazylyǵyn áleýmettik jelige shyǵarǵany úshin de qylmystyq jaýapkershilikke tarta beredi me? Alaiaqtardy nege osylai ustamaidy eken?" - dep jazdy ol.
Al ustaldy degen áiel men Gúlshara Ábdihalyqovaǵa qatysty oqiǵa osydan shamamen 4 jyl buryn boldy. Sol kezde Qyzylorda oblysynyń ákimi bolǵan Gúlshara Ábdihalyqova Jańaqorǵan aýdanyna jumys saparymen barǵan edi. Politseiler ákim keledi dep joldy jaýyp, basqa kólikterdi júrgizbei qoiǵan.
Bul jaǵdaiǵa ashýlanǵan qyzylordalyq turǵyn aýdan aralap júrgen óńir basshysyna baryp "Joldy jabatyn hannyń qyzysyz ba?" dep shúilikti.
Bul oqiǵa áleýmettik jelilerde qyzý talqylanǵan bolatyn.
