Astanada terrorizmdi nasihattaǵan qazaqstandyq sottaldy,- dep habarlaidy Dalanews.kz.
Elorda turǵyny Telegram messendjerin terrorizmdi qoldaýǵa baǵyttalǵan materialdar men ideologiiany taratý úshin paidalanǵan, sondai-aq, Siriiadaǵy lańkestik topqa qatysýǵa baǵyttalǵan áreketterdi daiyndaǵan.
Politsiia qyzmetkerleri kúdiktini Almaty áýejaiy aýmaǵynda Túrkiia arqyly Siriiaǵa ushpaq bolǵan kezinde ustaǵan.
"Basty sot talqylaýynda sottalýshy Telegram chatynda dini sebeptermen qarýly qaqtyǵystar týraly oń pikir aitqany, sondai-aq, kámeletke tolmaǵan eki qyzyn lańkestik top múshelerine kúieýge berý úshin Siriiaǵa barýdy talqylaǵany anyqtaldy. Memlekettik aiyptaýshy sotqa bultartpas dálelderdi usyna otyryp, kúdiktiniń telekommýnikatsiia jelilerin paidalana otyryp, terrorizmdi nasihattaý jáne terroristtik toptyń áreketine qatysýǵa daiyndalý nietin dáleldedi", - dep jazylǵan habarlamada.
Sot úkimimen kináli adamǵa 7 jylǵa bas bostandyǵynan aiyrý jazasy taǵaiyndaldy.
Astana qalasynyń prokýratýrasy terroristik top qurý, oǵan basshylyq etý jáne onyń áreketine qatysý, múlkin tárkilep, 17 jylǵa deiin bas bostandyǵynan aiyrý jazasyna ákep soǵatynyn, terrorizmdi nasihattaý nemese terrorizm aktisin jasaýǵa jariia túrde shaqyrý, múlkin tárkilep, 12 jylǵa deiin bas bostandyǵynan aiyrý jazasyna ákep soǵatynyn eskertti.
