QR Sý resýrstary jáne irrigatsiia ministrligi «Qazsýshar» respýblikalyq memlekettik kásipornyn jalpy sany 757 tehnikamen qamtamasyz etýdi josparlap otyr. Jumys bes kezeńmen júrgizilip jatyr. Qazirgi tańda alǵashqy tórt kezeń boiynsha 636 tehnika jetkizýge kelisimsharttar jasaldy, – dep habarlaidy Dalanews.kz.
Kelisimsharttarǵa sáikes, tehnikalar Qazaqstannyń 14 oblysyndaǵy «Qazsýshardyń» 17 filialyna jetkiziledi. Sońǵy kezeń boiynsha konkýrs rásimderi ótkizilip jatyr.
– Filialdardy jańa tehnikamen jabdyqtaý sý nysandaryn tazalaý jáne gidrotehnikalyq qurylystardy qaita jańartý jumystaryn jedel júrgizýge múmkindik beredi. Sonymen qatar bul tasqyn sýyna qarsy sharalardyń tiimdiligin arttyrady, – dedi Sý resýrstary jáne irrigatsiia vitse-ministri Erbolat Ibraihanov.
