"Bul – mindetti norma, jer, jer qoinaýy, ósimdikter men janýarlar álemine qatysty konstitýtsiialyq erejeniń negizgi bólimi. Munyń barlyǵy elge tiesili, sózsiz solai. Osyndai normany engizip otyr. Endi, halyq, árbir adam ózi tabiǵat bailyqtaryna ielik etip taratsa, haos men tártipsizdik bolady.
[perfectpullquote align="full" bordertop="false" cite="" link="" color="" class="" size=""]
Sondyqtan memleket halyqtyń atynan menshik quqyǵyn iske asyrady. Prezident te, parlament te halyqpen sailanady ǵoi. Barlyq sheshim aqyldasyp shyǵarylady.[/perfectpullquote]
Eń bastysy, memleket eldiń múddesin kózdeýi tiis", - dedi Ábdirasylov ortalyq kommýnikatsiialar qyzmetinde ótken brifingte.
Jýrnalister aldaǵy ýaqytta qazba bailyqtan túsetin tabystyń bir bóligin halyq taratý máselesin qozǵap, ony iske asyrý múmkindigin surady. Sarapshynyń pikirinshe, bul máseleni halyq qalaýlylary – depýtattar kóterýi tiis.
"Menińshe, arnaiy zańdar bolady. Sonda Konstitýtsiianyń mindetti normasy, iaǵni, "jer men tabiǵi resýrstary elge tiesili" degen talaptyń negizinde basqa máselelerdi barynsha aiqyndaityn normalar qabyldanady. Dál qazir solai bolady dep aitý qiyn. Ony parlamenttegi halyqtyń ókilderi sheshedi dep oilaimyn. Árine, prezident pen úkimet te atsalysady. Sóitip, birlesip sheshiledi", - dep atap kórsetti Ábdirasylov.
Prezident Toqaev qoǵam men memleket úshin asa mańyzdy sanalatyn jerge ielik etý máselesin sheshý qajettigine jeke toqtalǵan.
Memleket basshysy "Jer men tabiǵi resýrstardyń qojasy - halyq" degen normany Ata zańda birjola bekitýdi usynǵan.
"Negizgi zańnyń 6-babyn mynadai redaktsiiada berý usynylady: "Jer jáne onyń qoinaýy, sý, ósimdikter jáne janýarlar álemi, basqa da tabiǵi resýrstar halyqqa tiesili. Memleket halyq atynan menshik ieligin júrgizýge quqyly", – degen edi Toqaev Aqordada ótken jiynda.
