Almatyda naýryzdyń 15-i kúni zaýyttyq jylqy tuqymdary jónindegi respýblikalyq palata men Olimpbet býkmekerlik kompaniiasy arasyndaǵy yntymaqtastyqtyń bastalýyna arnalǵan baspasóz máslihaty ótti. Bul eki jaqty seriktestik kelisim jylqylardyń zaýyttyq tuqymdarynyń sanyn kóbeitýge jáne elimizdegi at sportynyń damýyna yqpal etetin bastama.
Aldaǵy ýaqytta Qazaqstandaǵy alaman báigelerdiń barlyǵy Olimpbet uiytqy bolady. Biylǵy jylǵa alys-jaqynǵa shabatyn irili-usaqty mundai 120 is-shara josparlanǵan.
Qazaqstan býkmekerler qaýymdastyǵynyń tóraǵasy Eldar Juma at sportyna Olimpbet-tiń qoldaý kórsetýin oń baǵalady.
«Buǵan deiin kompaniianyń qoldaýymen báigeden alǵashqy el birinshiligi ótken bolatyn. Endi Olimpbet jalpy otandyq jylqy sharýashylyǵyna kómektesýge múmkindik alyp otyr», – dedi ol.
Onyń paiymdap ótkenindei Jańa Qazaqstanda memsektor men biznestiń arasynda júieli dialog ornaǵan, biznes pen bilikti arasyndaǵy deldaldardyń dáýiri kelmeske ketken. Olimpbet pen respýblikalyq Zaýyttyq jylqy tuqymdary palatasynyń yqpaldastyq ornatýy osynyń dáleli.
«Investitsiialyq turǵydan tartymdy salaǵa qarjy quiýdan Olimpbet utylǵan joq, budan úkimet te paida kórip, biýdjetke qosymsha salyq túsedi», – dedi ol.
Olimpbet-tiń damý boiynsha direktory Konstantin Gýsev atalǵan jobanyń tek áleýmettik sipatqa ie ekenin aita kele, kompaniianyń budan paida kórýdi maqsat tutpaitynyn atap ótti. Basty maqsat – ekonomikadaǵy jańa baǵyttyń halyqaralyq standart negizinde damýyna jol ashý.
«At jarysy álemdik elita ókilderinen bastap, Forbs-taǵy qaltaly qaýymǵa deiin qyzyǵýshylyq tanytatyn degdar sport. Bizdiń Qazaqstandaǵy jylqy sharýashylyǵyn, at sportyn qoldaýymyz beker emes. Osy salanyń infraqurylymyn tolyq jańartyp, kórermenniń qyzyǵýshylyǵyn kóterýdi, salanyń investitsiialyq tartymdylyǵyn arttyrýdy kózdep otyrmyz. Qazaqstandy álemdik at sportynyń elitasy qataryna qosqymyz keledi», – dedi kompaniianyń ókili.
Respýblikalyq zaýyttyq jylqy tuqymdary palatasynyń prezidenti Talǵat Jaisańbaev mundai yntymaqtastyqtyń mańyzdylyǵyna muqiiat toqtaldy.
«Biz mundai kelisimge qol jetkizerimizge sońǵy sátke deiin sengen joqpyz. Jylqy sharýashylyǵy, at sportyn damytýǵa Olimpbet-tiń deńgeiindegi aitýly kompaniianyń qyzyǵýshylyq tanytyp, qomaqty qarjy quiýǵa ázirlik bildirýi at sportynyń ainalasynda júrgen azamattar men osy sporttyń jankúierleri úshin aqjoltai jańalyq.
Olimpbet-pen áriptestik ornatqan sońǵy bir jylda jylqy sharýashylyǵynyń óne-boiyna qan júgirip, shyraiy kirip qaldy. At sportyn alystap ketken azamattardyń basym kópshiligi súiikti kásibine qaita oraldy.
Kompaniia elimizde at jarystan týrnir ótkizýge qomaqty investitsiia quiatynyn málimdedi, biyl mundai 120 is-shara ótedi. Bul Qazaqstandaǵy jylqy basynyń sanyn kóbeitý men ony asyldandyrý isine serpin beredi. Osynyń arqasynda elimizdegi at sport álemdik dárejege kóterýge múmkindik týady.
Qazaqstan asyl tuqymdy jylqylary men qolaily klimatymen, sondai-aq baptaityn mamandarymen tanymal. Al oǵan naryqta kóshbasshy sanalǵan Olimpbet BK-nyń qoldaýy eldegi jylqy ósirý dástúrin qaita jańǵyrtýǵa qajetti serpin bolmaq», – dedi ol.
At sportynyń halyqaralyq dárejedegi tóreshisi Nádir Hasanov Olimpbet BK-tyń osynaý salaǵa qolushyn sozǵany úshin alǵys bildirip , osy arqyly Halyqaralyq at jarysy federatsiiasyna qosylýǵa talaptaný kerektigin eske saldy.
«At sportymen ainalysatyn jetekshi memleketterdiń bári osy federatsiianyń quramynda. Biz de osy salaǵa bólingen aqshany durys igerip, qaýymdastyq qataryna qosylýǵa umtylýymyz qajet. Bul Qazaqstandaǵy at sportynyń potentsialyn pash etetin múmkindik», – dedi ol.
Óz kezeginde Qazaq Jockey Club-ynyń tóraǵasy Maqsat Ahaev Olimpbet-pen áriptestik jylqy sharýashylyǵynyń eńse tikteýine oń áser etip, bul kelisimniń ekonomikalyq sipatyna toqtaldy.
«Olimpbet býkmekerlik kompaniiasyna alǵysymdy bildiremin. Qazaq eli Sovet odaǵy kezinde aýzymen qus tistegen tulparlarymen tanymal bolǵan edi. Alaida keiingi kezderi bul sala qaraýsyz qalyp, at sportyn búge-shigesine deiin biletin kásibi mamandar bazar jaǵalap ketti.
Búgingi kelisimniń arqasynda qaltaly azamattardyń jylqy ósirýge degen qulshynysy artyp, báige attaryn baptaityn sharýashylyqtar kóbeiýi kerek. Oblystarda, aýdan-aýyldarda joqshylyqtyń kesirinen astyndaǵy atyn satyp, júgen ustap qalǵan qaimana qazaq jylqy malyna qaita oralaryna kámil senemin.
Olimpbet-tiń Qazaqstandaǵy jylqy sharýashylyǵyn damytýǵa baǵyttap otyrǵan qarjysy qomaqty. Bul sala arzan kásiptiń sanatyna jatpaidy. Báigege qosatyn bir jylqyny kútip-baǵý úshin (atbegisi bar, taǵashysy bar, daiashysy bar, shabandozy bar) kem degende 8 adam qajet. Jylqy ósirý qalalyq jerge qolaiyna kelmeidi, bul aýyldyń azamattarǵa arnalǵan. Búgingi kelisimniń arqasynda aýdan-aýyldarda eki qolǵa bir kúrek tappai teńselip júrgen júzdegen, myńdaǵan azamat turaqty jumysqa ornalasady.
Angliianyń ózinde at sporty 20 myńdy adamdy asyrap otyr, bul salanyń áleýeti óte joǵary. Jylqy ósirýdiń paidasy kól-kósir. Oǵan tek sorpa-soǵym retinde qarap, bul salanyń múmkindigin shektep tastaýǵa bolmaidy.
Qazaq jylqyǵa qumar halyq. Dese de, sońǵy jyldary bul sala qaraýsyz qalyp, at-qoralap qańyrap qaldy. Bul turǵyda bizdi japondar basyp ozdy. Júirik atty jaratýǵa kelgende asqan uqyptylyq tanytyp, búgingi tańda tokiolyq tulparlar álemdik alamannyń aldyn bermeýde. Biz de osy deńgeige jetýdi murat tutamyz», – dedi ol.
Respýblikalyq zaýyttyq jylqy tuqymdary palatasynyń prezidenti Talǵat Jaisańbaevtyń aitýynsha qazaqtyń at seiisteri álemdik at sportynyń naryǵynda joǵary baǵalanady.
«Bizdiń jigitter jylqynyń babyn biledi. «Taryǵa bailap, sútke sýaryp» jemdeý, tań asyryp, qamaý terin alý bizdiń jigitterdiń ǵana qolynan keletin is. Qazaqtyń atbegilerin Eýropanyń jylqy ustaityn magnattary attai qalap aldyrǵan bolatyn. Bul álemdiń at sportynyń ainalysyndaǵy qaltaly azamattardyń Qazaqstan at ónerindegi áleýetin moiyndaitynyn bildiredi», – dedi ol.
Jiynda sóz alǵan sarapshylardyń málimetinshe Qazaqstan jylqy sany jóninen álemde 6-shy orynda tur. Elimizdegi Qambar atanyń urpaǵy 3,8 mln-nan asyp jyǵylady edi. Reitingtiń tóbe basynda – AQSh pen Mońǵoliia tur.
«Biz sanǵa emes, sapaǵa da kóńil bólý kerekpiz. Jylqy malyn asyldandyrý úrdisi múldem toqtap qaldy. Jylqy maýsymdyq azyq ispetti, soǵym naýqanynda ǵana suranysqa ie bolady. Máselen, Germaniiadaǵy jylqy malynyń sany 1,2 mln. Alaida olardyń jiyntyq quny Qazaqstandaǵy 3,8 mln jylqydan qymbat. Nemis jylqysynyń ortasha baǵasy 20 myń evronyń tóńireginde. Elimizde jylqynyń qunyn bazardaǵy baǵana qarap baǵalaitynymyz ótirik emes, shamamen 1000-2000 dollardyń ainalasy. Jylqy malyn asyldandyrý úrdisi úzilip qaldy. 70 myń jýyq asyl tuqymdy jylqy bar, olardyń ishinde báigege qosýǵa jaraitynyn bólek irikteisiz.
Eldegi at sportynyń belsendiligi de sońǵy kezderi báseńdep ketti. Qazaqtyń tabiǵaty, jan-dúniesi jylqyǵa jaqyn ekenin eskersek, bul sportty tórge ozdyrýǵa tiis edik. Onyń elimizdegi №1 sporttyq dodaǵa ainalatyn potentsialy bar. At sportynyń ainalasyndaǵy júrgen 350 myńǵa tarta azamat bar, olar bul sózimizdi rastai alady. Báige dese delebesi qozatyn qazaqqa alaman jarystarǵa sýsap otyr», – deidi sarapshylar.
Anyqtama
Olimpbet – elimizdiń sport salasyn belsendi túrde qoldaityn jáne damytatyn Qazaqstandaǵy eń iri býkmekerlik keńse. Olimpbet-pen kóptegen otandyq federatsiialar, klýbtar men sportshylar demeýshilik kelisim-shartqa otyrǵan. Kompaniia el ómiriniń áleýmettik aspektilerine qatysý arqyly ulttyq sport túrlerin damytýǵa qoldaý kórsetedi.
