Qazaqstanda kásipkerdi aldaǵan alaiaq Germaniiada ustalyp, ekstraditsiialandy, dep habarlaidy Dalanews.kz.
Bas prokýratýranyń qyzmetkerleri Qazaqstan Respýblikasy Syrtqy ister ministrliginiń kómegimen Germaniia Federativtik Respýblikasynan asa iri mólsherdegi alaiaqtyq jasaǵan kúdiktini qylmystyq jaýaptylyqqa tartý maqsatynda ekstraditsiialady.
Ol 2023 jyldyń qańtarynda eki sybailasymen aldyn ala sóz bailasý arqyly jalǵan kompaniialardy qurý jolymen qazaqstandyq jumsaq bidaidyń iri partiiasyn jetkizip beremin dep kásipkerdi aldap, jalpy somasy 100 mln teńgeden astam qarajatyn iemdengen.
Qylmystyq qýdalaý organdary kúdiktilerdiń birin izin sýytpai ustady, al qalǵan ekeýi jasyrynyp, halyqaralyq izdeýge jariialandy.
2024 jyldyń qazanynda izdeýde júrgenderdiń biri Germaniianyń Niýrnberg qalasynda ustalyp, odan keiin Qazaqstan Respýblikasy Bas prokýratýrasynyń suraýy boiynsha eline ekstraditsiialandy.
Qazir ol tergeý izoliatoryna qamaldy.
Aiyptalǵan qylmysty jasaǵany úshin múlkin tárkilenip, 5 jyldan 10 jylǵa deiingi merzimge bas bostandyǵynan aiyrý jazasy kózdelgen.
