Qazaqstannyń aýyldaǵy mektepterdi damytý tájiribesi HundrED Global Collection 2026 halyqaralyq reitinginiń negizgi tizimine endi. Bul tizim álemde iske asyrýǵa usynylǵan 100 úzdik bilim berý innovatsiiasyn qamtidy. Irikteýdi Finliandiiadaǵy HundrED úkimettik emes uiymy ótkizdi, oǵan 800-den astam ótinim berilgen, dep habarlaidy Dalanews.kz.
Qazaqstanda Memleket basshysy Qasym-Jomart Toqaevtyń tapsyrmasymen orta bilim berý uiymdarynda bilim sapasyn arttyrý, barlyq bala úshin teń ári qoljetimdi bilim berý ortasyn qurý boiynsha keshendi jumystar júrgizilýde. 2023–2024 oqý jyldary Aqtóbe oblysynda Oqý-aǵartý ministrligi men oblys ákimdiginiń qoldaýymen «Shaǵyn jinaqty mektepterdiń áleýetin tsifrlyq tehnologiialardy paidalana otyryp damytý» jobasy iske qosylǵan bolatyn. Jobany Bilim berý salasyn turaqty damytý qory júzege asyrdy.
Pilottyq jobaǵa óńirden 134 shaǵyn jinaqty mektep, 12 tirek mektep qatysyp, onda barlyǵy 10395 oqýshy qamtyldy. Sondai-aq 1000-nan astam muǵalimniń qatysýymen shaǵyn jinaqty mektep oqýshylary úshin 12 000 onlain sabaq uiymdastyryldy.
Ony qarjylandyrýǵa Aqtóbe oblysynyń ákimdigi, Qazaqstan halqyna qory qatysty. «Qazaqstan halqyna» qory arqyly shaǵyn jinaqty mektepterdiń materialdyq-tehnikalyq jaraqtandyrylýyna 2,063 mlrd teńge, sondai-aq Aqtóbe oblysynyń ákimdigi arqyly kabinetterdi jóndeý, joǵary jyldamdyqtaǵy internetpen qamtamasyz etý jáne muǵalimderge yntalandyrý tólemderi úshin 2 mlrd teńgege jýyq qarajat jumsalǵan.
Aita ketý kerek, óńirlerge jumys sapary kezinde oqý-aǵartý ministri Juldyz Súleimenova shalǵai aýyldardaǵy shaǵyn jinaqty mektepterde bolyp, ondaǵy oqý protsesin uiymdastyrý, tehnikalyq jaraqtandyrý, pedagogtermen qamtamasyz etý máselesine erekshe basymdyq berýde.
