«Shatyrdaǵy ekeý» fılmi Nú-Iorktegi Oniros Film Awards® halyqaralyq kınopremıasynda eki nomınasıa enshiledi. Fılmde aýtızmge shaldyqqan jasóspirim Kostányń rólin somdaǵan Aleksandr Cherepanov «Jas akter» nomınasıasyn aldy. Sonymen qatar, Gúlshat Smaǵulova «Rejıser-debútant» atalymy boıynsha fınalıster qatarynan tabyldy, dep habarlaıdy Dalanews.kz. 

Túsirilim kezinde nebári 15 jasta bolǵan Aleksandr Cherepanov Vıtalıı Davydovtyń sheberhanasynda akterlik qyryn shyńdap júr jáne qazir «Balaganchık» teatrynda óner kórsetedi.Sonyń arqasynda onyń fılmdegi róli de áserli shyǵyp, kórermen yqylasyna bólendi, festıváldaǵy qazylar alqasynyń oń baǵasyn aldy.

«Shatyrdaǵy ekeý» fılmi – 15 jyldan astam tájirıbesi bar rejıser Gúlshat Smaǵulovanyń jumysy. Fılmniń senarı avtory – Janna Tımofeeva, qoıýshy sýretshisi – Elena Aıtova, al qoıýshy operatory – Aleksandr Plotnıkov. Kınoda Eldar Ábish, Aleksandr Cherepanov, Lıdıa Iarseva (Reseı), Olga Landına, Evgenıı Zadorojnev, Janna Qýanysheva, Dáýlet Kekilbaev, Baǵlan Núrekenova sıaqty jas ári tanymal akterler oınaıdy.

Ótken jyly fılm qazaq jáne orys tilderinde prokatqa shyqqan. Shyǵarmashylyq top kartınadaınklúzıanyń mańyzyn jáne erekshe balalardyń qoǵamǵa beıimdelý máselesin kótergen.