Bul týraly Dalanews.kz Aqordanyń baspasóz qyzmetine silteme jasap habarlaıdy.
«Memleket basshysynyń Jarlyǵymen Qaırat Nematuly Kelimbetov «Astana» halyqaralyq qarjy ortalyǵynyń basqarýshysy laýazymynan bosatyldy», - delingen Aqorda habarlamasynda.
Eske salsaq, osydan 7-8 jyl buryn sol tustary Ulttyq bankke basshylyq etken Qaırat Kelimbetov Qazaqstandy "Azıa jolbarystarynyń" sapyna qosyp, elimizdi Orta Azıanyń Sıngapýrine teńegen.
"Qazaqstan dál qazirgi ýaqta Orta Azıanyń Sıngapýry dep sanalady. Bizdiń ekonomıka kez-kelgen túleı daýylǵa tótep beretin áleýetke ıe, KSRO-nyń shekpeninen shyqqan kez-kelgen eldi básekege kelgende basyp ozamyz...", – degen bósken edi ol Bloomberg-ke bergen suhbatynda.
Qazaqstannyń kemshiligin jasyryp, jaqsylyǵyn asyrǵan Kelimbetov el astanasynyń taıaý arada halyqaralyq qarjy habyna aınalyp, kúlli ınvestorlardyń Elorda aǵylaryn aıtqan.
https://dalanews.kz/aimak/84544-qazaqstan-yenergetika-dagdarysynan-q
