“Atamnyń amanaty” qoǵamdyq birlestiginiń jetekshisi Murat Moldaǵalıev “Qazaqstanda orystildi azamattarǵa qysym jasalýda” dep málimdegen “Reseı ofıserleri” uıymyna jaýap qatty dep habarlaıdy Dalanews.kz.

Reseılik uıym elimizde orystildi aýdıtorıa zábir kórip otyrǵanyn, olardy tildik jáne dinı negizde qýdalaý oryn alyp jatqanyn sóz etken.

Qazaqstandyq uıymnyń tóraǵasy mundaı tujyrymmen múlde kelispeıtinin aıtty.

Murat Moldaǵalıevtiń pikirinshe elimizdegi ultaralyq kelisimge eshbir syrt kúshter áser ete almaıdy. Qazaqstannyń Ata zańy árbir azamatqa onyń shyǵý tegi men nanym-senimine qaramastan quqyǵy men bostandyǵyna kepildik beredi.

“Sondyqtan mundaı málimdeme jasaý orynsyz, negizsiz. Bul tynysh turǵan qaıyqty shaıqaýdyń kórinisi.
Mundaı popýlısik urandar Qazaqstan men Reseıdiń arasyndaǵy syılastyqqa syzat túsiredi. Iá, biz ártúrlimiz, alaıda biz birgemiz. Elimizdiń mýltmádenıligi jáne kóptildiligi Qazaqstannyń kemshiligi emes, artyqshylyǵy”, - dep atap ótken eken Moldaǵalıev.

Sóı degen qoǵamdyq uıym ókilderi Reseıdiń zıaly qaýymyn aqylǵa kelýge jáne joq jerden daý shyǵarmaýǵa shaqyrypty.

Moldaǵalıevtiń atap ótkenindeı eldegi ultaralyq máseleni ushyqtyryp, ony saıası quralǵa aınaldyrǵysy keletin keıbir toptar erteńgi kúni osy áreketi úshin uıalatyn bolady.

“Reseı ofıserlerine” Qazaqstan men Reseıdiń odaqtas ekenin esine salǵymyz keledi. Astamshyldyq, arandatý, negizgi aıyptaý eki eldiń arasyndaǵy dostyqty buzady”, – deıdi osy oraıda “Atamnyń amanaty" QB tóraǵasy Murat Moldaǵalıev.