Qazaqstan 2026 jyldyń sońyna deiin shetelden alma importtaýǵa shekteý engizdi. Endi tyiym Resei men Qyrǵyzstandy qosa alǵanda, Eýraziialyq ekonomikalyq odaqqa múshe memleketterge de qoldanylady, dep habarlaidy dalanews.kz.
Protenge málimetinshe, Aýyl sharýashylyǵy ministriniń mindetin atqarýshy tiisti №326 buiryqqa qol qoiǵan.
Buǵan deiin mundai shekteý 2024 jyly engizilgen edi. Alaida ol kezde tyiym EAEO quramyna kirmeitin elderden avtomobil kóligimen jetkiziletin almaǵa ǵana qatysty boldy. Jańa talap boiynsha jemisti kez kelgen kólik túrimen barlyq memleketten ákelýge ruqsat etilmeidi.
Aýyl sharýashylyǵy ministrligi osyǵan uqsas aldyńǵy sheshimdi otandyq baǵbandardy qoldaý qajettiligimen túsindirgen. Shekteý ónim jinaý kezinde ishki naryqty qorǵaýǵa jáne jergilikti sharýalardyń almasyn qolaily baǵamen ótkizýine múmkindik berýge baǵyttalǵan.
2024 jyldyń alǵashqy jeti aiynda Qazaqstanǵa 107,3 myń tonna alma importtalǵan. Bul aldyńǵy jyldyń sáikes kezeńimen salystyrǵanda 58 paiyzǵa kóp. Elge alma jetkizgen negizgi memleketterdiń qatarynda Polsha, Iran, Ózbekstan jáne Qytai bolǵan.
