Qazaqstandaǵy TikTok ókildigi elde áleýmettik jelini jabý týraly usynysqa pikir bildirdi, dep habarlaidy Dalanews.kz.
TikTok ókilderi jergilikti halyqtyń qaýipsizdigin saqtaý áleýmettik jeliniń eń basty maqsaty ekenin atap ótti.
"Eń aldymen TikTok platformasynda jekkórýshilik negizinde áreket etýge jáne jekkórýshilik ideologiialaryn nasihattaýǵa, sondai-aq zorlyq-zombylyq pen jekkórýshilikti nasihattaityn adamdardyń nemese uiymdardyń bolýyna jol bermeidi. Biz mundai kontentti óshirip tastaimyz", deidi kompaniia ókilderi.
Sonymen qatar,kompaniia ókilderi TikTok 13 jasqa jetpegen balalarǵa kirýge tyiym salynǵanyn jetkizdi.
"Kishkentai balalar áleýmettik jelini qoldanbaýy úshin bizde tolyq týǵan kúnin kórsetý talap etiledi. Paraqsha 13 jasqa tolmaǵan balaǵa tiesili ekenin avtomatty túrde anyqtaityn moderatsiia tehnologiiasy bar. Eger paraqsha kishkentai balaǵa tiesili ekenin anyqtasam, ol avtomatty túrde buǵattalady", delingen habarlamada.
2024 jyldyń qańtary men aqpany aralyǵynda TikTok osyndai 1,2 paraqshany óshirip tastaǵan. Kompaniia ókilderi balanyń qaýipsizdigin saqtaýda ata-ananyń roli de orasan zor ekenin aitady.
"Otbasylyq ornatýdyń" arqasynda ata-ana óziniń paraqshasyn balasynyń paraqshasymen bailanystyryp, onyń ne kórip otyrǵanyn baqylai alady. Ata-analarǵa osy múmkindikti paidalanyp, balasynyń onlain ómirdegi qaýipsizdigin saqtaýǵa shaqyramyz", delingen kompaniia málimdemesinde.
Eske salaiyq, 3 qazanda depýtat Gennadii Shipovskih balalardy qorǵaý jáne ulttyq qaýipsizdikti qamtamasyz etý maqsatynda birneshe usynys jasaǵan bolatyn:
1. TikTok platformasynda ekstremizm, radikalizm, separatizm jáne moraldyq qundylyqtarǵa qaishy kontentterdi anyqtaý jáne shekteý boiynsha naqty algoritm engizý.
2. TikTok-tyń YouTube Kids sekildi balalarǵa arnalǵan arnaiy platformasyn jasaý usynyldy. Bul 13 jasqa deiingi balalardy qaýipti kontentten qorǵaý úshin mańyzdy.
3. 13 jasqa tolmaǵan balalardyń ata-anasynyń telefonynan TikTok-qa kirgende Face ID tehnologiiasy arqyly shekteý mehanizmi engizilýi kerek.
Senator bul sharalar jastar arasyndaǵy qaýipti ádetterdiń aldyn alýǵa, sondai-aq el azamattarynyń densaýlyǵy men moraldyq qundylyqtaryn qorǵaýǵa baǵyttalǵan mańyzdy qadamdar ekenin aitty.
