Qazaqstanda eń joǵary jalaqyny IT salasynyń mamandary alýy múmkin. Bul týraly Eńbek jáne halyqty áleýmettik qorǵaý ministrligi málimdedi, dep habarlaidy dalanews.kz.
Vedomstvonyń málimetinshe, qazirgi tańda Elektrondyq eńbek birjasynda Qazaqstan boiynsha 53 myńnan astam bos jumys orny jariialanǵan. Onyń ishinde 11 myńnan astam vakansiiada jalaqy mólsheri 300 myń teńgeden joǵary.
Ministrlik deregine sáikes, jekelegen salalardaǵy eń joǵary jalaqy kólemi mynadai:
IT salasynda – 2 mln teńgege deiin;
Óndiris salasynda – 1,7 mln teńgege deiin;
Qurylys salasynda – 1,2 mln teńgege deiin;
Aýyl sharýashylyǵy men densaýlyq saqtaý salasynda – 1 mln teńgege deiin;
Bilim berý salasynda – 750 myń teńgege deiin.
Ministrliktiń málimetinshe, eńbek naryǵynda joǵary bilikti mamandarǵa suranys saqtalyp otyr. Ásirese aqparattyq tehnologiialar salasyndaǵy mamandarǵa usynylatyn eńbekaqy ózge baǵyttarmen salystyrǵanda joǵary.
