Qazaqstanda jumys izdeýshilerdiń jalaqyǵa degen úmiti men jumys berýshiler usynǵan ailyq arasynda úlken aiyrmashylyq bar. Eńbek jáne halyqty áleýmettik qorǵaý ministrliginiń málimetinshe, qazan aiynda eńbek naryǵy turaqty bolǵanymen, jalaqy boiynsha teńsizdik saqtalyp keledi, dep habarlaidy Dalanews.kz.
Ministrliktiń dereginshe, eń kóp izdenis týdyrǵan mamandyqtar: tárbieshiler, býhgalterler jáne matematika pániniń muǵalimderi. Al jumysshy salasynda qazandyq operatorlary, medbikeler jáne egin sharýashylyǵyndaǵy mamandar suranysqa ie.
Jumys berýshilerdiń eń joǵary usynǵan ailyǵy shamamen 1 million teńge shamasynda. Mundai jalaqy kóbine óndiris orynbasarlaryna, kompiýterlik oiyn dizainerlerine jáne ombýdsmenderge tólenedi.
Al jumys izdeýshilerdiń jalaqyǵa degen talaby budan áldeqaida joǵary. Máselen, ushqyshtar – 2,8 mln teńge, kenshiler – 2 mln teńge, al top-menedjerler – 1,8 mln teńge eńbekaqy kútedi.
Mamandardyń aitýynsha, bul aiyrmashylyq ásirese basqarý jáne tehnikalyq baǵyttarda qatty baiqalyp otyr.
Eske salaiyq, buǵan deiin Qazaqstanda eń tómengi jalaqyny kóterý usynylǵan edi.
Búgin Parlament Májilisinde premer-ministr Oljas Bektenov jáne Úkimet músheleriniń qatysýymen plenarlyq otyrys ótip jatyr.
Negizgi taqyryp - 2026-2028 jyldarǵa arnalǵan respýblikalyq biýdjet týraly jáne respýblikalyq, oblystyq biýdjetterdiń, respýblikalyq mańyzy bar qalalardyń, Astana biýdjetteriniń arasyndaǵy osy jyldarǵa arnalǵan jalpy sipattaǵy transfertterdiń kólemi týraly zańdardyń jobalary.
2025 jyly Qazaqstanda ETJ kólemi - 85 myń teńge. Endi eń tómengi jalaqy mólsherin 85 000 teńgeden 110 000 teńgege deiin kóterý usynylyp otyr.
