Qazaqstanda AI+X modeli boiynsha jumys isteitin Qazaq AI Research University iske qosylady, dep habarlaidy dalanews.kz.
Elimizde mamandandyrylǵan zertteý ordasy qurylady. Bul týraly Úkimet otyrysynda jasandy intellekt jáne tsifrlyq damý birinshi vitse-ministri Rostislav Koniashkin málimdedi.
"Qazaq AI Research University AI-Enabled University - erekshe mártebe berilgen, jasandy intellekt salasynda mamandandyrylǵan zertteý ýniversiteti. Ýniversitet AI+X modeli boiynsha jumys isteidi. Bul model ártúrli kásibi baǵyt boiynsha mamandar daiarlaýdy kózdeidi. Jasandy intellekt ár mamandyq boiynsha oqytýdyń bir bóligine ainalady. Stýdentter AI tehnologiialaryn úirenedi. Olardy naqty kásibi salada qoldanýdy da meńgeredi", - dedi Rostislav Koniashkin.
Ýniversitet halyqaralyq yntymaqtastyqty belsendi damytady. Sebebi Qytai Halyq Respýblikasy, Birikken Arab Ámirlikteri jáne Finliandiianyń jetekshi ýniversitetteri, zertteý ortalyqtarymen arada yntymaqtastyq ornatylǵan. Sondai-aq, halyqaralyq AI-oqytý platformasyn qurý josparlanyp otyr.
