Jobanyń maqsaty – Uly Jeńiske ólsheýsiz úles qosqan qazaqstandyqtardyń erligi men jankeshtiligi týraly bolashaq urpaqqa qundy aqparattardy jetkizý.
Portalda keń kólemdi málimetter bazasy bar.

Saitta qazirdiń ózinde 677 myńnan astam soǵys ardageri, onyń ishinde 365 Keńes odaǵynyń batyry, 4 eki márte Keńes odaǵynyń batyry jáne 19 «Dańq» ordeniniń kavaleri týraly aqparat jinaqtalǵan.

Interfeis qajetti aqparatty tabýǵa ǵana emes, sonymen qatar óz ardager týystary týraly derekterdi qosýǵa, jańalyqtarmen tanysýǵa múmkindik beredi. Osylaisha, bul portal tarihty bolashaq urpaq úshin saqtap, batyrlarǵa taǵzym etip, qurmet kórsetýge arnalǵan platforma qyzmetin atqarady.

Onlain-portaldy paidalanýshylar:
— saitqa óz týysynyń tarihyn qosa alady: ár adamnyń soǵysqa qatysqan jaqyndary týraly estelikterin bólisýge múmkindigi bar.

— fotosýretterdi júktei alady: ár qoldanýshy ardager týysynyń sýretterin veb-portalǵa júktep, onyń jarqyn beinesin máńgilikke amanat etýge múmkindigi bar.
— ardagerlerdiń jańa málimetterin qosa alady: veb-portaldyń derekqorynda joq ardagerlerdiń málimetterin ońai engizýge bolady.

— batyrlar galereiasyn kóre alady: saitta qazirdiń ózinde kóptegen batyrlardyń ómirbaiandary jazylǵan galereia bar, kez kelgen qoldanýshy bul bólimnen olardyń ómiri men jasaǵan erlikteri týraly kóbirek aqparat alady.

— jańalyqtar únemi jańaryp otyrady: veb-portalda ardagerlerge jáne jobaǵa qatysty jańalyqtar men oqiǵalar turaqty túrde jariialanyp turady.

Aita keteiik, Jeńistiń 80 jyldyǵyna orai respýblika boiynsha 200-den astam is-shara uiymdastyrylady.