Qazaqstandaǵy energetikalyq nysandarda aýqymdy jóndeý jumystary bastaldy, dep habarlaidy Dala news.
Energetika salasynyń málimetinshe, 2026 jyly el boiynsha 9 energoblok, 55 qazandyq jáne 51 týrbinaǵa kúrdeli jóndeý júrgizý josparlanǵan.
Qazirgi ýaqytta jóndeý jumystary eki energoblokta, tórt qazandyqta jáne eki týrbinada bastalyp ketken.
Josparǵa sáikes, birqatar iri energetikalyq nysandar jańǵyrtylady. Atap aitqanda:
•Astana JEO-2 – eki qazandyq pen bir týrboagregat jóndeledi;
•Stepnogor JEO – eki qazandyq pen eki týrbina jańartylady;
•Aqtóbe JEO – úsh qazandyq pen tórt týrboagregat jóndeýden ótedi;
•Almaty energiia toraby – JEO-1, JEO-2 jáne JEO-3 nysandarynda birneshe qazandyq pen týrbina jańartylady;
•Atyraý JEO – úsh qazandyq pen eki týrbina jóndeledi.
Sonymen qatar Shyǵys Qazaqstan, Qaraǵandy, Pavlodar, Mańǵystaý, Qostanai jáne basqa da óńirlerdegi iri jylý elektr ortalyqtary men elektr stantsiialarynda kúrdeli jóndeý josparlanǵan.
Máselen, Ekibastuz GRES-1-de úsh energoblok, Ekibastuz GRES-2-de eki energoblok, al EEK elektr stantsiiasynda taǵy eki energoblok jańǵyrtylady.
Energetikterdiń aitýynsha, bul jóndeý jumystary elektr stantsiialarynyń senimdiligin arttyrýǵa jáne kelesi jylytý maýsymyna daiyndyqty kúsheitýge baǵyttalǵan.
