Qarjy vitse-ministri Erjan Birjanov jańa Salyq kodeksi jobasynda qarapaiym azamattardy deklaratsiia tapsyrý mindetinen bosatý josparlanyp otyrǵanyn málimdedi, dep habarlaidy Dalanews.kz.
Birjanovtyń túsindirýinshe, bastapqy deklaratsiiany (250-nysandy) azamattar tek bir ret tapsyrady. Al 270-nysan tek múlik satyp alý nemese ózge de qarjylai ózgerister bolǵan jaǵdaida, jyl saiyn 15 qyrkúiekke deiin tapsyrylady.
“Sondyqtan óz tabysyna bailanysty salyqty ózi eseptemeitin azamattar deklaratsiia tapsyrmaidy dep sheshtik. Óitkeni olardyń salyqtyq mindettemesin jumys berýshi nemese salyq agenti oryndaidy. Biz onsyz da árbir qyzmetker boiynsha eseptilik alyp, ony bazada saqtaimyz. Eger kimde-kim deklaratsiia tapsyrmasa, ony júie arqyly birden kóremiz. Sol sebepti 8 million adamǵa deklaratsiia tapsyrýdyń qajeti joq”, — dedi Erjan Birjanov.
Onyń aitýynsha, búginde Qazaqstandaǵy satyp alýlardyń 87 paiyzy qolma-qol aqshasyz, iaǵni elektrondy túrde jasalady. Bul — salyq organdaryna qajet aqparatty avtomatty túrde alýǵa múmkindik beredi.
Eske salaiyq, buǵan deiin deklaratsiia ótkizbegen 68,3 myń adamnyń banktik shoty buǵattalǵany týraly jazǵan edik.
QR Qarjy ministrligi Memlekettik kirister komiteti 2024 jyly Qazaqstanda jalpyǵa birdei deklaratsiialaýdyń úshinshi kezeńi aiaqtalǵanyn eske salady. Osy bastama sheńberinde biznes ókilderi — zańdy tulǵalardyń basshylary, quryltaishylary men qatysýshylary, sondai-aq dara kásipkerler jáne olardyń jubailary 250.00 nysany boiynsha "kirý" deklaratsiiasyn tapsyra otyryp, Qazaqstandaǵy jáne sheteldegi óz aktivterin deklaratsiialady.
Budan bólek, buryn jalpyǵa birdei deklaratsiialaý júiesine kirgen azamattar 270.00 nysandy kirister men múlik týraly jyl saiynǵy deklaratsiiasyn usyndy.
"Deklaratsiialardy tapsyrý merzimi aǵymdaǵy jyly 2024 jylǵy 1 qańtardan 16 qyrkúiekke deiin belgilendi, bul 8,5 aidy qurady. Osy ýaqyt ishinde Memlekettik kirister organdary deklaranttardy buqaralyq aqparat quraldary, SMS-habarlamalar jáne basqa da tásilder arqyly deklaratsiialardy tapsyrý qajettiligi týraly belsendi túrde habardar etti. Aqparattyq qoldaýǵa qaramastan, keibir salyq tóleýshiler belgilengen merzimde deklaratsiia tapsyrǵan joq. Mundai jaǵdailarda salyq organdary buzýshylyqtardy joiý úshin qosymsha 30 jumys kúnin bere otyryp, salyq zańnamasynda belgilengen merzimde jeke tulǵalarǵa salyq eseptiligin usynbaý týraly habarlama jiberedi. Osylaisha, azamattarǵa deklaratsiia tapsyrý úshin 10 ai ýaqyt berildi", - deidi MKK.
Vedomstvo málimetinshe, deklaratsiialar, eger olarda salyq organynyń kody, salyq kezeńi nemese deklaratsiia jasalǵan kúni siiaqty negizgi derekter bolmasa nemese deklaratsiia "óńdeýden bas tartý" mártebesin alǵan bolsa, usynylmaǵan bolyp sanalady. Mundai jaǵdailarda salyq tóleýshiler deklaratsiiany ózgertý ádisimen qaitaryp alyp, túzetilgenin berý arqyly buzýshylyqty óz betinshe joia alady.
"Banktik shottar boiynsha shyǵys operatsiialaryn toqtata turý tek dara kásipkerlerge jáne jeke praktikamen ainalysatyn tulǵalarǵa ǵana qatysty ekenin atap ótken jón (Salyq kodeksiniń 118-baby). Deklaratsiiany ýaqytyly tapsyra almaǵan azamattar úshin birinshi ret eskertý túrinde ákimshilik jaýapkershilik qarastyrylǵan. Buzýshylyqtar joiylǵannan keiin banktik shottar boiynsha shyǵys operatsiialary bir jumys kúninen keshiktirilmei buǵattan sheshiledi", - deidi mamandar.
Búgingi tańda, jalpyǵa birdei deklaratsiialaý boiynsha deklaratsiia tapsyrýǵa mindetti 4,8 million adamnyń ishinen deklaratsiiany usynbaǵany úshin memlekettik kiris organdary 68,3 myń nemese 1,4% dara kásipker men jeke praktikamen ainalysatyn tulǵalardyń banktik shottary boiynsha shyǵys operatsiialaryn toqtatty.
"Búgingi tańda aýtqýshylyqtardy joiǵan 17,5 myńnan astam salyq tóleýshiniń nemese ókimderdiń jalpy sanynyń 26% boiynsha - banktik shottary boiynsha buǵattaý sheshildi", delingen MKK habarlamasynda.
