Qazaqstan boıynsha 1,8 mıllıonnan astam oqýshy sýdy únemdep paıdalaný taqyrybynda ashyq sabaqtarǵa qatysty, dep habarlaıdy Dalanews.kz
Sý resýrstary jáne ırrıgasıa mınıstrliginiń mamandary «Sýdy únemde – bolashaqty saqta» respýblıkalyq aksıasy aıasynda Qazaqstan mektepterinde sý únemdeý taqyrybynda ashyq sabaqtar ótkizip jatyr. Búginge deıin ashyq sabaqtarǵa 1,8 mıllıonnan astam oqýshy qatysty. Aksıa Sý resýrstary jáne ırrıgasıa mınıstrliginiń bastamasymen jáne Oqý-aǵartý mınıstrliginiń qoldaýymen ótkizilip jatyr.
«Balalar sabaqtarda paıdaly aqparattar alyp, alǵan bilimderin kúndelikti ómirde qoldanady dep oılaımyn. Óıtkeni mektep – durys ádetterdi qalyptastyratyn eń qolaıly orta. Endi aldaǵy ýaqytta joǵary oqý oryndarynyń stýdentteri úshin de sý únemdeý taqyrybynda dárister uıymdastyrýdy josparlap otyrmyz»,– dedi Sý resýrstary jáne ırrıgasıa mınıstri Nurjan Nurjigitov.
