Saiasattanýshy Daniiar Áshimbaevtyń pikirinshe, Qazaqstan salyqtan jaltarý shemalaryn joiýǵa baǵyttalǵan salyq reformasynyń jańa kezeńine qadam basty, dep habarlaidy Dalanews.kz.
Ol Qazaqstan biligi salyqtyq júktemeni ońtailandyrý men biznesti bólshekteý týraly qajetti aqparatty tolyq jinaqtaǵanyn atap ótti.
"Bizneske jeńildetilgen rejimde jumys isteý yńǵaily, biraq kei jaǵdailarda bul ońtailandyrýdan góri, salystyrmaly túrde tómen mólsherlemege qaramastan, salyqtan jaltarýǵa kóbirek uqsaidy", – dedi Áshimbaev.
Sondai-aq ol álemdik tájiribede mundai shemalar qatań retteletinin, al Qazaqstannyń osy baǵytta birtindep ilgerilep kele jatqanyn alǵa tartty.
Saiasattanýshy bolashaqta salyqtyq ákimshilendirýdi kúsheitý jáne kóleńkeli ekonomikamen kúres sharalaryn odan ári jandandyrýdyń qajettigin atap ótti.
