“Qazaqmys” Tobynyń qurylymyna kiretin Balqash mys balqytý zaýytynyń (BMZ) kúkirt qyshqyly tsehynda kúrdeli jóndeý jalǵasýda. Shara sheńberinde 18 jyldan astam ýaqyt jumys istegen jylý almastyrǵyshty aýystyrý jobasy iske asyrylýda. Bul jumys kompaniianyń óndiristik qýatyn jańǵyrtý baǵdarlamasynyń bir bóligi, dep habarlaidy dalanews.kz.
Jylý almastyrǵysh tehnologiialyq úderiste mańyzdy ról atqarady, ol kúkirtti angidridti (SO₂) kúkirt angidridine (SO₃) totyqtyrý kezinde qajetti jylý balansyn qamtamasyz etedi. Onyń turaqty jumysy búkil óndiristik tsikldyń turaqtylyǵyna tikelei áser etedi.
Qazirgi ýaqytta qabyqshaly-tútiksheli salqyndatyp qaita qyzdyrýǵa arnalǵan jańa jylý almastyrǵyshty montajdaý jumysy júrgizilýde. Jabdyq tsehtyń kontakt bóliminde SO₂ gazyn qyzdyrýǵa jáne bir mezgilde SO₃ gazyn salqyndatýǵa arnalǵan.
Jylý almastyrǵyshtyń qurylymy jeti segmentke bólingen qubyrly shoǵyrdan turady. Bul montajdaý úderisin ońtailandyrýǵa múmkindik beredi. Jabdyqtyń jalpy salmaǵy shamamen 200 tonnany quraidy, al biiktigi 25 metrge jetedi.
Jabdyq “Qazaqmys” korporatsiiasy qurylymyna kiretin Qaraǵandy quiý-mashina jasaý zaýytynda korroziiaǵa tózimdi materialdan jasalǵan, bul onyń agressivti ortada senimdi jumys isteýin qamtamasyz etedi.
Jumysty tehnikalyq qyzmet kórsetý jáne jóndeý qyzmetiniń mamandary jóndeý ýaqytyn qysqartý jobasy sheńberinde atqarýda. Montajdaý jumysyn merziminen buryn aiaqtaý josparlanǵan.
Zamanaýi jabdyqqa kóshý agregattardyń senimdiligin arttyrýǵa, jospardan tys toqtap qalý qaýpin azaitýǵa jáne óndiristik tsikldiń tiimdiligin jaqsartýǵa múmkindik beredi.
