Qazirgi ýaqytta «Qazaqmys» korporatsiiasynyń kásiporyndaryndaǵy jaǵdai turaqty. Keibir málimdemelerge qaramastan, kompaniia basshylyǵy men áleýetti qurylymdar tarapynan jumysshylarǵa eshqandai qysym kórsetilip jatqan joq, – dep habarlaidy Dalanews.kz.
Jezqazǵan mys qorytý zaýyty, Jaisań, Shatyrkól, Saiaq kenishteri, sondai-aq Jylandy, Jomart, Batys jáne Shyǵys kenishterindegi úńgileý brigadalary jumysyn qaita bastady.
«Qazaqmys» korporatsiiasy jaǵdaidy tezirek retteýge múddeli. Buǵan deiin habarlanǵandai, korporatsiia eki negizgi tarmaqtyń oryndalýyn rastady. Olar:
- 13-shi jalaqyǵa qosymsha 30% syiaqy tóleý;
- toqsan saiyn syiaqy tóleý.
Sonymen qatar, 2025 jyldyń 1 qańtarynan bastap eńbekaqyny 8,5%-ǵa indeksteý usynysy óz kúshin saqtap qaldy.
Aita ketý kerek, jumysshylardyń jalaqysy eńbekaqydan jáne syiaqydan turady. Syiaqy óndiristik jospardyń oryndalǵanyna nemese oryndalmaǵanyna qaramastan tólenedi. Qazirgi ýaqytta ortasha jalaqy 730 431 teńgeni quraidy, bul Qazaqstandaǵy ortasha jalaqydan eki eseden astam joǵary.
65 shahtadaǵy (OJK) jumysshylardyń shaǵyn tobyn qospaǵanda, shamamen 40 myń adamnan quralǵan jumyskerlerdiń basym kópshiligi usynylǵan sharttardy qoldady.
Kelisimge sáikes, jumys jalǵasyp jatqan nemese qaita bastalǵan kenishterde 13-shi jalaqyǵa syiaqy tolyq kólemde tólendi.
«Qazaqmys» korporatsiiasy shahtalardaǵy jumysshylardy ystyq tamaqpen qamtamasyz etýdi jalǵastyrýda jáne jaǵdaidy múmkindiginshe tezirek sheshý úshin ashyq dialogqa umtylyp jatyr.
