Túzetý ortalyǵy «Dara» qaiyrymdylyq qory, Aqmola oblysynyń, Kókshetaý qalasynyń ákimshiligi jáne bilim basqarmasynynyń qoldaýymen ashyldy. Ol «Bárimiz birdeimiz - kemsitýdi bilmeimiz! Biz inkliýzivtikti qoǵamdy qoldaimyz!» atty joba sheńberinde júzege asyrylady.
Joba inkliýzivtik qoǵamdy damytý maqsatynda múmkindigi shekteýli azamattardy qoldaý baǵytyndaǵy Qazaqstan Respýblikasynyń memlekettik saiasatyna sáikes júrgiziledi. Jobanyń bas áriptesi - «Samuryq- Qazyna» ulttyq ál-aýqat qory» AQ.
Psihologiialyq-pedagogikalyq túzetý ortalyǵynda 0-7 jas aralyǵynda múmkindikteri shekteýli balalarǵa tegin, sapaly, keshendi qyzmet kórsetiledi.Túzetý kabinetinde túzete-damytý arqyly qoldaý kórsetetin mamandar jumys isteidi: pedagog-psiholog (emotsiialyq jáne intellektýaldyq damýyndaǵy kemistikterdi), muǵalim-defektolog (tanymdyq ortadaǵy problemalardy), muǵalim-logoped (sóileý qabileti buzylǵandardy), áleýmettik pedagog, emdik dene shynyqtyrý nusqaýshysy (júrip-túrý músheleriniń fýnktsiialary buzylǵan). Damý múmkindigi shektelgen balalardyń ata-analaryna psihologiialyq qoldaý úshin «Otbasylyq saǵat» uiymdastyrylady.
Saltanatty ashylý rásimine Aqmola oblysynyń ákimi S.V.Kýlagin, Kókshetaý qalasy ákiminiń qyzmetin atqarýshy A.H.Smailov, Kókshetaý qalasynyń ákimshiliginiń ókilderi, «Samuryq- Qazyna» ÁAQ» AQ, «Dara» qaiyrymdylyq qorynyń ókilderi, memlekettik organdar, qoǵamdyq uiymdar ókilderi, múmkindikteri shekteýli balalardyń ata-analary, arnaiy túzetý mektep-internattarynyń direktorlary, psihologiialyq-medetsinalyq-pedagogikalyq keńesiniń meńgerýshileri qatysty. «Dara» qory júrip-túrý músheleriniń fýnktsiialary buzylǵan balalardy tasymaldaý úshin invataksi syilady. Al oblys ákimi ortalyqqa 5 mln teńgege sertifikat tartý etti.
