Qaıyrymdylyq konsertine belsene qatysqan jastar[/caption]
Bolashaqta elimizdiń órkendeýine bilimdi jastar ǵana bıik asýlardan asa alatynyn eskersek, balalarǵa jasaǵan qamqorlyq elimizge eselep qaıtatyny anyq. El tiregi, erteńimizdiń kepili bolǵan jas urpaq!
Árbir jańa istiń basy-qasynda jastar júretini aıdan anyq, sol úshin de halqymyz «Asyl tastan, aqyl jastan» dep, jastardyń qoǵam damýyndaǵy róline erekshe mán bergen. QazUTÝ jastary qashanda izgi is-sharalardyń basy-qasynda júredi. Oǵan búgingi jastardyń is-áreketi dálel!
Ýnıversıtettiń akt zalynda týǵannan súıek synǵyshtyq aýrýyna shaldyqqan, sonyń saldarynan nebary úsh jasqa deıin aıaǵy 30 jerden synǵan Orazbekova Arýjan atty kishkentaı bes jasar qyzǵa arnalǵan «Sábıdiń baqyty bizdiń qolymyzda! Jaqsylyq jasaýǵa asyǵaıyq!» atty qaıyrymdylyq konserti boldy. İs-shara 5V070400 – «Esepteý tehnıkasy jáne baǵdarlamalyq qamtamasyz etý» mamandyǵynyń VPb-14-1k jáne VPb-14-2k top stýdentteri men Jastar uıymdary komıtetiniń uıymdastyrýymen, ýnıversıtet basshylyǵynyń qoldaýymen ótti.
Qaıyrymdylyq konsertine ýnıversıtet stýdentterimen birge elimizge tanymal birneshe estrada ánshileri Talǵat Jorabaev, Qanat Úmbetov, Dıdar Káden, «Jebe» toby, «JS» toby, «Arman» toby jáne t.b. qatysyp, qaıyrymdylyq kórsetti. Ýnıversıtettiń akt zalyna toly kórermen qaıyrymdylyq konsertin ystyq yqylaspen qabyldady. Konsertti tamashalaýǵa kelgen ýnıversıtettiń profesor-oqytýshylar quramy men stýdentter de qaıyrymdylyq jasaýdan qalys qalǵan joq. Olar zalǵa qoıylǵan jáshikke múmkindikterinshe qarjy saldy. Qaıyrymdylyq konsertinen túsken qarajat Orazbekova Arýjannyń ata-anasyna tabystaldy.
İs-sharany ótkizýge at salysqan barlyq jandarǵa alǵysymyzdy bildiremiz. Sonyń ishinde osy sharanyń óz dárejesinde ótýine atsalysqan belsendi stýdentter Dıana Montaeva, Araılym Týrlybekova, Alıa İztileýdi erekshe atap ótkim keledi. Árbir adam sharapaty mol isterdi jasaýǵa atsalyssa, nur ústine nur bolady. Qaıyrymdylyq – izgiliktiń kórinisi. Aldaǵy ýaqytta da mundaı ıgi sharalar jalǵasyn taýyp, kómekke muqtaj jandarǵa demeý bolý mindetimiz dep bilemiz.
Saltanat Nuralyqyzy,
Q.I.Sátbaev atyndaǵy Qazaq ulttyq tehnıkalyq ýnıversıteti
Aqparattyq jáne telekomýnıkasıalyq
tehnologıalar ınstıtýty
VPb-14-1k, VPb-14-2k toptarynyń edvaızeri
