Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Qaraǵandy men Temirtaý turǵyndary alǵash ret tabiǵi gazǵa qosyldy

Dalanews
Qaraǵandy men Temirtaý turǵyndary alǵash ret tabiǵi gazǵa qosyldy
Gaz jáne gazben jabdyqtaý salasyndaǵy ulttyq operator  «QazTransGaz» AQ  Qaraǵandy qalasyndaǵy alǵashqy tutynýshylaryna gaz qosty. Alǵashqy gaz Tólepov jáne Cheliabinskaia kósheleri turǵyndarynyń úilerine berile bastady, dep habarlaidy Dalanews.kz.

«QazTransGaz Aimaq» AQ Qaraǵandy óndiristik filialynyń direktory Talǵat Qyzylbaev úilerge alǵash ret gaz berý – óńir úshin óte mańyzdy oqiǵa ekenin atap ótti.

– Búgingi aitýly shara tuńǵysh prezident kúnine orailastyrylyp oty. Biyl tek jeke sektor gazǵa qosylyp jatyr. Kelesi jyly ózge kásiporyndarmen qatar  Arselor Mital qosylady. Osynyń arqasynda 2025 deiin aýaǵa ziiandy qaldyqtardyń taralýy 30% azaiady. Saryarqa» magistraldy gaz qubyry qysqa merzimde salynyp, paidalanýǵa berildi. Bul áleýmettik mańyzy bar joba, birinshiden, halyqtyń ómir súrý sapasyn arttyrýǵa baǵyttalǵan, ekinshiden, ol ekologiialyq jaǵdaidy edáýir jaqsartýǵa múmkindik beredi. Gazdyń kelýimen turǵyn úi qurylysy jańa serpinge ie bolady, mańyzdy infraqurylymdyq jobalar, jol qurylysy qarjylandyrylady, shaǵyn jáne orta biznes kásiporyndary qoldaý alady dep úmittenemin, – dedi ákim.

Qalaishilik gaz taratý jelilerin jergilikti atqarýshy organdar memlekettik biýdjet esebinen salǵan.  Búgingi tańda Qaraǵandy qalasy boiynsha 64 km astam gaz qubyry salynyp, biylǵa belgilengen jospar 100% oryndalǵan.

– Gazdandyrý – eldimekenderdiń damýyna árdaiym oń áser etedi, óndiristik jáne áleýmettik salanyń odan ári ósýi úshin alǵyshart jasaidy. Gaz – búgingi tańda eń yńǵaily otyn túrleriniń biri, biraq qaýipsizdik týraly bir sátke de umytýǵa bolmaidy. Turmysta gazdy paidalanýdyń barlyq erejelerin saqtaý qajet, sonda sizdiń úiińiz árdaiym jyly ári jaily bolady, – dedi Talǵat Qyzylbaev.

Aita keteiik, oblys boiynsha josparlanǵan 1530 shaqyrym gaz qubyrynyń 129 shaqyrymy salyndy. Qaraǵandynyń ózinde 1505 jeke turǵyn úi men oblys boiynsha 2472 úidi tabiǵi gazǵa kóshirý josparlanýda.t Osy jyldyń sońyna deiin oblysta gaz tutyný 80 myń tekshe metr deńgeiinde josparlanyp otyr, onyń ishinde Qaraǵandy boiynsha – 40 myń, Temirtaý men Jezqazǵan boiynsha – 20 myń tekshe metr.


QazTransGaz Madina Sádýaqasova

Oqi otyryńyz